Энэ мэдээ хуучирсан буюу 2023/09/14-нд нийтлэгдсэн мэдээ болно.

 Г.Дамдинням:  Авлига хороолол бяртай юм билээ. Шүтье 

Олон нийтийн хэлж заншсанаар “Авлига хороолол” буюу “Акуа Гарден” төслийн эрчим хүчийг хязгаарласан билээ. Тэгвэл хоёр хоногийн өмнөөс эрчим хүчинд эргүүлэн холбосон байна.

Тодруулбал, Хотын даргын захирамжаар тус хотхоны дөрвөн блок барилгын хоёрыг нь нураах шийдвэрийг гаргасан. Улмаар хоёр блок барилгын эрчим хүчийг нь эргүүлэн өгчээ.

Энэ талаар УИХ-ын гишүүн Г.Дамдинням “Авлига хороолол бяртай юм билээ. Шүтье” хэмээн жиргэжээ. Зөвхөн Г.Дамдинням гэлтгүй эрх баригчид ч “Акуа Гарден” төслийн асуудалд “чих тавьж” байгаа бөгөөд уг барилгыг буулгах ёстой хэмээн үзэж байгаа юм.

"Акуа Гарден" хорооллын хоёр блокыг албадан буулгах захирамж гарснаар хэдийн нэг сарын нүүрийг үзэх гэж байна.

Өнгөрсөн наймдугаар сарын 31-ний өдөр хотын даргын захирамжийг танилцуулж явсан нийслэлийн Засаг даргын нэгдүгээр орлогч Ж.Сандагсүрэн тус хотхонд байр захиалсан иргэдтэй есдүгээр сарын 1-ний өдөр уулзахаар болсон билээ.

Харамсалтай нь байрны захиалга өгсөн оршин суугчдын мэдээлж буйгаар хэдийн 11 хоног өнгөрсөн хэдий ч одоог хүртэл тэдэнтэй уулзаагүй гэх мэдээлэл байгаа юм.

Тогтвортой ажилласан гэрээт ажилтнуудыг нутаг буцалгүйгээр БНСУ-д үргэлжлүүлэн ажиллах журам батална
Тогтвортой ажилласан гэрээт ажилтнуудыг нутаг буцалгүйгээр БНСУ-д үргэлжлүүлэн ажиллах журам батална
 
Сонгон шалгаруулалтын зарыг сунгаж байна
Сонгон шалгаруулалтын зарыг сунгаж байна
Энэ мэдээ хуучирсан буюу 2023/09/14-нд нийтлэгдсэн мэдээ болно.