Өвлийн улиралд заавал малгай өмсөх хэрэгтэйг эмч мэргэжилтнүүд анхааруулсаар байна. Хүн биеийн дулаанаа толгойгоороо алддаг тул заавал хүйтний улиралд малгай өмсөх ёстой ба хэрэв хүйтэн салхиар удаан хугацаанд үлээгдэж явбал

• Толгой эргэх

• Чих шуугих

• Хамраас байнга ус гоожих

• Хоёр хөмсөгний хооронд дүүрч өвдөх

• Шүд янгинаж өвдөх

• Мартамхай болох зэрэг шинж илэрнэ.

"Мөн хүний дөрвөн мэдрэхүйн үйл ажиллагаагаа явуулж буй эрхтнүүдийн үйл ажиллагаа муудаж эхэлснээр дараах шинж илэрч болно.

• Нүднээс нулимс гоожих, аргах, хуурайших, олон цавчилна

• Чих хүржигнэж дуугарах, хоосон мэт санагдана

• Хамар битүүрч ус их гоожно

• Буйл хавдана, шүд лугшиж өвдөнө

Хэрэв малгай өмсөхөөр халуудаад, өмсөж чаддаггүй бол танд өвчний урхаг байна гэсэн үг тул эмчлүүлээрэй." хэмээн УАУ-ы их эмч О.Очгэрэл зөвлөлөө.