Энэ мэдээ хуучирсан буюу 2023/11/25-нд нийтлэгдсэн мэдээ болно.

Автобусны тендерт БНХАУ-ын “Норинко“, Монголоос “Моннис“ зэрэг таван компани материал өгчээ

Автобус худалдан авах тендерийг олон улсын хэмжээнд зарлаад буй.

Үүнд БНХАУ-ын 5 компани материалаа өгсөн байна. Тухайлбал “Mines Up”, “Xiamen King Long United Automotive Industry”, “Yutong Bus”, “Xiamen Golden Dragon Bus”, “China North Vehicle Corporation” тус тус материалаа илгээжээ.

Эдгээр компанийн талаарх товч мэдээлэл хүргэе.

“Xiamen King Long United Automotive Industry”

“King Long” гэдэг нэрээрээ танигдсан тус компани 1988 онд үүсгэн байгуулагджээ. Фужиан мужийн Шиамэн хотод төвтэй тус компанийг “Xiamen Automotive Industry Corporation”, “Xiamen State-owned Assets Investment Co.,Ltd”, “San Yang Industry Co., Ltd”, хамтран эзэмшдэг.

“Xiamen King Long United Automotive Industry” компани нь 1,800 гаруй ажилтантай, үйлдвэр, барилгууд нь нийтдээ 200 мянган хавтгай дөрвөлжин метр талбай эзэлдэг.

Тус компани галт тэрэгний зүтгүүр, фургон, сургуулийн автобус, тээврийн автобус, хотын автобус гэх таван төрлийн тээврийн хэрэгсэл үйлдвэрлэн дотооддоо, гаднын олон оронд нийлүүлдэг аж.

“Yutong Bus”

“Yutong Bus” буюу албан ёсоор “Zhengzhou Yutong Group Co., Ltd” нь 1963 онд “Zhengzhou Bus Repair Factory” үүсгэн байгуулагдсан компаниас эхтэй. 1993 онд “Zhengzhou Yutong Bus Co., Ltd” нэртэй тус компани анх байгуулагдсан байна.

Хэнань мужийн Жэньжоу хотод төвтэй “Yutong Bus” нь дэлхийн хамгийн том автобус үйлдвэрлэгч компани юм. Дизель хөдөлгүүртэй автобус, цахилгаан автобус үйлдвэрлэдэг.

2017 онд тус компани том болон дунд оврын 67,268 ширхэг автобус худалджээ. Тэдний 24,865 нь электрон автобус байсан юм. “Yutong Bus” нь Франц, Их Британи, Австрали, Өмнөд Африк гэх мэт 40 гаруй гадаадын улсад автобусаа экспортолжээ.

Мөн БНХАУ-ын автобусны дотоодын зах зээлийн 28 хувь, дэлхийн зах зээлийн 10 хувийг үүсгэдэг байна. “Yutong Bus” Хятадад томоохон хэмжээний үйлдвэрүүдтэйгээс гадна Венесуэль, Пакистанд автобус угсрах үйлдвэртэй аж.

“Xiamen Golden Dragon Bus”

“Golden Dragon” буюу “Xiamen Golden Dragon Bus” нь “King Long” компанийн охин компани юм. БНХАУ-ын Фужиан мужийн Шиамэн хотод төв оффис нь байрладаг. Тус компани 1992 онд үүсгэн байгуулагдаж 5-аас 18 метр урттай тансаг зэрэглэлийн автобус болон фургон үйлдвэрлэж иржээ.

“Golden Dragon” нь Ази, Ойрх Дорнод, Африк, Өмнөд Америкийн 120 гаруй оронд автобуснуудаа экспортолсон байна.

“China North Vehicle Corporation”

“Norinco Vehicle” буюу “China North Vehicle Corporation” нь “Norinco International Cooperation Co., Ltd”-ийн охин компани юм. Тус компани тээврийн хэрэгсэл, сэлбэг, механик болон химийн бүтээгдэхүүнүүд үйлдвэрлэдэг байна. “Norinco Vehicle” компанийн албан ёсны сайтаас харвал жилийн экспортын хэмжээ нь 100 сая ам.доллар давдаг аж.

Тус компанийг эзэмшдэг “Norinco International Cooperation Co., Ltd” нь инженерчлэл, үл хөдлөх хөрөнгийн хөгжүүлэлт, хөрөнгө оруулах чиглэлээр үйл ажиллагаа явуулдаг байна.

“Mines Up”

Энэ компанийн талаар хайхад “minesup.mn” сайт гарч ирж байна. Сайт дээрээ тус компани “Майнс Ап" ХХК нь 2009 онд байгуулагдсан бөгөөд бид дэлхийд тэргүүлэгч брэнд, бүтээгдэхүүнүүдийг Монголын зах зээлд албан ёсны эрхтэйгээр оруулж ирэн амжилттайгаар 11 дэх жилдээ ажиллаж байна” гэж бичжээ.

"Майнс Ап" ХХК-ийн захирлаар Н.Бямбасүрэн ажилладаг. Мөн хувьцаа эзэмшигчээр нь "Моннис интернэйшнл" бүртгэлтэй юм байна. Өөрөөр хэлбэл "Моннис"-ийн охин компани аж.

“Дэг, яргалал байхгүй, хэмээн худал мэдэгдсэн Батлан хамгаалахын сайдыг огцруулахыг шаардаж байна“
“Дэг, яргалал байхгүй, хэмээн худал мэдэгдсэн Батлан хамгаалахын сайдыг огцруулахыг шаардаж байна“
 
СЕХ: Гадаадад байгаа иргэд санал өгөхөө Дипломат төлөөлөгчийн газартаа мэдэгдэнэ
СЕХ: Гадаадад байгаа иргэд санал өгөхөө Дипломат төлөөлөгчийн газартаа мэдэгдэнэ
Энэ мэдээ хуучирсан буюу 2023/11/25-нд нийтлэгдсэн мэдээ болно.