Хөгжмийн зохиолч Цэн.Эрдэнэбатын бүтээлүүд морин хуурын эгшгээр амилна

Соёл урлагийн их сургуулийн хөгжмийн онолын тэнхимийн багш, хөгжмийн зохиолч Цэн.Эрдэнэбатын дан хөгжмийн бүтээлүүдийг Монгол төрийн тэргүүн зэргийн "Чингис хаан" одонт, Монгол Улсын соёлын элч "Морин хуурын чуулга"-ын хамт олон эгшиглүүлэх гэж байна. Морин хуурын чуулгын зүгээс орчин цагийн Монголын хөгжмийн зохиолын сан хөмрөгийг арвижуулах, бүтээл туурвилыг нийтэд сурталчлах хэлбэрээр хөгжмийн зохиолчдыг нийтэд таниулан алдаршуулах зорилготойгоор цуврал концертыг зохион байгуулж буй юм.

Цэн.Эрдэнэбат нь “Морин хуур" наадмын хоёр удаагийн гранпри, “Алтан намар” хөгжмийн наадмын найман удаагийн шагналт хөгжмийн зохиолч юм.

Тэрээр сонат, аяз, уран сэтгэмж, элегия болон 70 орчим дан хөгжмийн бүтээлүүдээс гадна 300 гаруй дуу, дуулаачийн таван романс, дан найрал дуу, киноны хөгжим гэх мэт олон арван бүтээл туурвисан юм. Монголын орчин цагийн мэргэжлийн хөгжмийн зохиолчдын төлөөллийн нэг Цэн.Эрдэнэбатын дан хөгжмийн бүтээлүүдээс бүрдсэн энэхүү тоглолтыг Морин хуурын чуулгын ерөнхий удирдаач, урлагийн гавьяат зүтгэлтэн Д.Түвшинсайхан удирдана. Тоглолт Улсын филармонийн концертын танхимд тавдугаар сарын 10-нд 19.00 цагаас болно.

Сэрэмжлүүлэг: ЭТТ ХК-тай нүүрсний гэрээ байгуулж өгнө гэж их хэмжээний мөнгө залилжээ
Сэрэмжлүүлэг: ЭТТ ХК-тай нүүрсний гэрээ байгуулж өгнө гэж их хэмжээний мөнгө залилжээ
 
Сонгон шалгаруулалтын зарыг сунгаж байна
Сонгон шалгаруулалтын зарыг сунгаж байна
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!