С.Амарсайхан: Сонгууль болдгоороо болно. Төрийн албан хаагчид хариуцсан ажилдаа эзэн байх хэрэгтэй

Монгол Улсын Шадар сайд С.Амарсайхан цаг үеийн асуудлаар мэдээлэл хийлээ. Энэ зун өнгөрсөн зунаас илүү их хур тунадас орох, хүчтэй аадар бороо их орох прогноз гарчээ. Ялангуяа, зургаа, долдугаар сард их хэмжээний бороо орно. Иймд бэлэн байдлыг хангаж, үер усны аюулаас урьдчилсан сэргийлэх чиглэлээр бүх шатны аймаг нийслэлийн Засаг дарга, Онцгой байдлын байгууллагуудад үүрэг даалгавар өгсөн байна.

Мөн 2024 он УИХ-ын сонгууль болох гэж байгаатай холбоотойгоор төрийн албан хаагчид ажлаа эзэнгүйдүүлэхгүй байх, аливаа ажлын зохион байгуулалтыг сулруулахгүй байхыг үүрэгдлээ.

Шадар сайд С.Амарсайхан “Сонгууль болдгоороо болно. Амьдрал үргэлжилдгээрээ үргэлжлэх учраас аймаг нийслэлийн удирдлагууд, төрийн албан хаагчид хариуцсан ажилдаа эзэн байх, хариуцлагыг ухамсарлан ажиллах ёстой. Сонгуультай холбогдуулан ажил хийдүүлэхгүй байхыг үүрэгдэж байна.

Байгаль цаг уурын болзошгүй эрсдэлд бэлэн байх, УОК-ын шуурхай штабын дэргэд үерийн эрсдэлийн сэргийлэх байнгын штабыг нээн ажиллуулах, аймаг орон нутгийн түвшинд Онцгой комиссуудыг байнгын ажиллагаанд байлгаж, ард иргэдийг мэдээ мэдээллээр хангах, эрсдэлээс сэргийлэх ажлыг эхлүүлж байна” гэлээ.

Иргэд олон нийтийг эерийн эрсдэлээс сэргийлэх хүрээнд үнэлгээ хийх ажлыг эхлүүлж, шаардлагатай техниз тоног төхөөрөмжийн бэлэн байдлыг ханган ажиллах чиглэлийг ОБЕГ-т өгсөн байна.

Женнифер Лопес өөрийг нь ёжилсон самбарыг очиж үзлээ
Женнифер Лопес өөрийг нь ёжилсон самбарыг очиж үзлээ
 
Нийслэлийн хэмжээнд нэг сая 93 мянган сонгогч 513 санал авах байранд саналаа өгнө
Нийслэлийн хэмжээнд нэг сая 93 мянган сонгогч 513 санал авах байранд саналаа өгнө