54 настай дуучин, жүжигчин, бүжигчин Женнифер Лопес сүүлийн хэдэн хоногийн турш сошиал ертөнцийн сэдэв болоод буй самбарыг өөрийн биеэр очин үзэж, бүр өмнө нь зогсон зураг авахуулжээ. Тус самбарыг уг нь Жэй Логийн гол дүрийг нь бүтээсэн Atlas хэмээх шинэ киног рекламдахад зориулсан ч үзүүр дээр нь Don’t F With JLo гэсэн бичиг байгаа юм. Энэ нь Бэн Аффлекийг Жэй Ло-той битгий **** гэсэн далд утгыг илэрхийлжээ гэж интернэт хэрэглэгчид үзэж, ёжлон шуугилдаж эхэлсэн юм. Atlas киноны нээлтэд Женнифер Лопестой хамт Бэн Аффлек очоогүй, мөн долоо хоногийн өмнөх зураг дээр ядам хуруундаа хуримын бөгжгүй гарсан зэрэг нь тэдний харилцаанд асуудал үүссэн гэж таамаглах үндэс болсон юм. Тэгвэл Жэй Ло “Өчигдөр маш олон хүн надад энэ самбарын тухай хэллээ. Тиймээс би өөрөө очиж харахаар шийдлээ. Өөрийн нүдээр харъя л даа” хэмээн сошиал хаягтаа бичсэн амандаа хүрчээ. Гэхдээ TMZ-ийн мэдээлж буйгаар харилцаанд сэв суусан гэхээсээ илүүтэйгээр Бэн Аффлек маш шахуу хуваарьтай ажилтай байгаа учир киноны нээлтэд хамт очиж чадаагүй. Ер нь тэр хоёр ажлын шаардлагаар байсхийгээд хол газар ажиллахад хүрдгийг тэмдэглэжээ.

Tumen.mn