Английн “Манчестер Сити”-гийн хорват хамгаалагч Йошко Гвардиол багийнхаа испани дасгалжуулагч Пеп Гвардиолагийн талаар ийн ярьжээ. “Гвардиола бол хөлбөмбөгөөр бүтэн амьдарч яваа аугаа дасгалуулагч. Нэг удаа бид тоглолтын бэлтгэлээ бүтэн долоо хоног хийчихсэн байлаа.

Тактикаа гаргаад, хувилбаруудаа туршчихсан, тоглолтод бараг бэлэн болчихсон. Тэгтэл дасгалжуулагч гэнэт бүхнийг өөрчлөөд, тэс өөрөөр тоглуулж билээ. Үүнийгээ тайлбарлахдаа “Би нэг зүүд зүүдэлсэн юм аа” л гэж хэлсэн. Зүүдэндээ ирэх тоглолтыг “харчихаад” өөрчилчихөж байгаа нь тэр. Зүүд нь хүртэл хөлбөмбөг, ирэх тоглолт дээр төвлөрчихсөн. Гвардиола хөлбөмбөгчдөдөө байнга туслахыг хүсдэг нь надад их сайхан санагддаг. Хөлбөмбөгийн тухай ярих их дуртай. Мөн тоглолтын тактик, хувилбар их бодно, ярина. Бид хэрхэн тоглож байгаа, яавал юу өөрчлөгдөх үү гээд бүхнийг хэлж ярина. Үүгээрээ л бусад дасгалжуулагчаас ялгардаг” хэмээн Йошко Гвардиол өгүүлжээ.

Tumen.mn