Монгол Улсын Ерөнхийлөгч У.Хүрэлсүх өчигдөр Засгийн газрын гишүүн буюу сайд нар, УИХ-ын дарга, УИХ дахь намын бүлгийн дарга нар болон ЦЕГ-ын дарга, ТЕГ-ын дарга тэргүүтэй бусад албан тушаалтнуудыг дуудан уулзаж, утааны асуудлаар үүрэг чиглэл өгсөн билээ.

Энэ үеэр Ерөнхийлөгч У.Хүрэлсүх "Ерөнхий сайд хүндэтгэх шалтгаантай учраас ирж амжаагүй байна. Уг нь Ерөнхий сайд ирсэн бол зүгээр байх байсан юм." хэмээсэн юм.

Тэгвэл Ерөнхий сайд Л.Оюун-Эрдэнэ БНСУ-д хагалгаанд орж байгаа, хамарны хагалгаанд орж байгаа, эмнэлэгт хэвтэж байгаа гэх албан бус мэдээллүүд байна.

Үүнтэй холбоотой нэгэн асуудал гарч буй нь Монгол Улсын Ерөнхий Сайдын эмчилгээ, хагалгаа үнэхээр Монгол Улсад хийгдэх боломжгүй нарийн эмчилгээ байсан уу? эсвэл Ерөнхий Сайд Монголын эмнэлгээ голж, Солонгосыг сонгов уу? гэдэг явдал юм.

С.Сарнай