2016 онд Улаанбаатар хотод зохион байгуулсан Ази-Европын дээд түвшний уулзалт АСЕМ-тай холбоотой төсвийн зарцуулалтад Үндэсний аудитын газраас шалгалт хийж, санхүүгийн зөрчил илэрсэн талаар албан ёсоор мэдээлж байсан. Гэсэн ч уг асуудлаас хойш 10 жил өнгөрсөн буюу 2026 онтой золгож буй энэ үед тухайн үеийн улс төрийн өндөр албан тушаалтнууд болох Ерөнхийлөгч асан Ц.Элбэгдорж, Ерөнхий сайд асан Ч. Сайханбилэг нар эрүүгийн болон улс төрийн ямар нэгэн хариуцлага хүлээгээгүй хэвээр байна.

АСЕМ-ыг зохион байгуулах нэрийдлээр төсвийн мөнгийг үр ашиггүй зарцуулсан, хууль зөрчсөн байж болзошгүй асуудалд аудитын байгууллагаас зөрчил тогтоож, шалгах шаардлагатайг дурдсан ч уг хэрэг хууль хяналтын байгууллагын шатанд бодит үр дүнд хүрээгүй байна. Үүнтэй холбоотойгоор олон нийт, иргэний нийгмийн зүгээс “томоохон төсвийн зөрчилд нэр холбогдсон албан тушаалтнуудад хариуцлага тооцохгүй өнгөрдөг тогтолцоо хэвээр байна” хэмээн шүүмжилж буй юм.

Иргэдийн зүгээс АСЕМ-тай холбоотой төсвийн зөрчлийг дахин нягталж, хэргийг ил тод шалган, буруутай этгээдэд хуульд заасан хариуцлага хүлээлгэхийг шаардаж байна. Тэдний үзэж буйгаар, энэхүү хэрэг нь Монгол Улсад хууль тэгш үйлчилдэг эсэхийг харуулах бодит шалгуур болж үлджээ.

П.Самдан

www.BOLOD.mn