АНУ Кувейт дэх Элчин сайдын яамныхаа үйл ажиллагааг зогсоолоо

(Bloomberg) -- Ираны Дээд удирдагч агсан Аятолла Али Хосейни Хаменеин хүү Можтаба Хосейни Хаменеи тус улсын дараагийн удирдагч болоход тохиромжгүй хүн гэж АНУ-ын Ерөнхийлөгч Дональд Трамп мэдэгдлээ.

Можтаба Хаменеи нь өмнөх бодлогыг үргэлжлүүлж, АНУ болон Ираны хооронд дахин зэвсэгт мөргөлдөөн гарах нөхцөл бий болгоно гэж үзэж байгаа аж. Мөн Иран улсын дараагийн удирдагчийг сонгох үйл явцад оролцох хүсэлтэй буйгаа Дональд Трамп илэрхийллээ.

Ойрх Дорнод дахь нөхцөл байдлыг харвал АНУ Кувейт дэх Элчин сайдын яамны байраа хааж, америкчуудыг тус улсыг орхихыг анхааруулсан байна. Сүүлийн өдрүүдэд Ираны зэвсэгт хүчин Персийн булангийн орнууд руу довтлохдоо пуужингаас илүүтэй дроныг түлхүү ашиглаж байгаа юм. Түүнчлэн пүрэв гарагт Азербайжанд болсон халдлагад Ираны арми оролцсон гэх мэдэгдлийг тус улс няцаасан аж. Үүний зэрэгцээ АНУ-ын Батлан хамгаалахын сайд Пит Хегсет Иран руу хийж буй довтолгоо улам чангаруулахыг анхааруулсан байна.