Засгийн газрын хуралдаан үргэлжилж байна. Хуралдаанаар Ерөнхий сайд Н.Учрал дизель түлшний асуудлаар мэдээлэл өглөө.

Тэрээр "Ормузын хоолойн нөхцөл байдал дэлхийн зах зээлийг савлуулж, дизель түлшний үнийг огцом өсгөж байгаа. Манай улс сарын өмнө дизель түлшийг 3200 төгрөгөөр авч байсан бол өнөөдөр 4400 төгрөгөөр авч байна. Цаашид тавдугаар сард 6400 төгрөгт хүрэх төлөвтэй байна.

Иймээс Засгийн газраас цаг алдалгүй арга хэмжээ авч, гаалийн татварын таван хувийг тэглэхээс эхлээд шаардлагатай алхмуудыг хэрэгжүүлж байгаа. Мөн салбарын сайд Г.Дамдиннямыг ОХУ, Казахстанд яаралтай хэлэлцээр хийхээр томилж явуулсан. Сайн үр дүн гарна гэж найдаж байгаа ч хамгийн муу нөхцөл байдалд ч бэлэн байх ёстой. Учир нь түлшний үнэ салбар бүрд хамааралтай асуудал болоод байна” гэж мэдэгдлээ.