Завхан аймаг байгуулагдсаны 103 жил, "Баруун бүсийн хурд-2026" уралдаан 7 дугаар сарын 22-ноос 26-ны өдрүүдэд Донойн хөндийд болж өндөрлөлөө. Уралдааны үеэр Хүүхэд, гэр бүлийн хөгжил хамгааллын 22 мэргэжилтэн ажиллаж, 9 насны ангиллын 693 хурдан морь болон уралдаанч хүүхдүүдийн аюулгүй байдалд хяналт тавилаа.

Хүүхэд хамгаалал, стандартад зааснаар хуулийн дагуу 8-аас дээш насны 301 уралдаанч хүүхдийг нэгдсэн санд бүртгэж, бичиг баримтыг хянан ажилалаа. MNS 6264:2018 стандартын дагуу шалгаж, аюулгүй байдалд эрсдэлтэй 30 ширхэг хориотой хэрэгслийг (урт ташуур, шүгэл, станц) хураан авлаа.

Уралдааны үеэр мориноос унасан 6 хүүхдэд эмнэлгийн тусламж үзүүлснээс 1 хүүхдийн хөлийг гипсдэж, 1 хүүхдийг рентген оношилгоонд хамрууллаа. Мөн сэтгэл зүйн хямралд орсон 2 хүүхдэд зөвлөгөө өгч, наадмын үеэр төөрсөн 1 хүүхдийг ар гэрт нь хүлээлгэн өглөө.

Нас тус бүрийн түрүү морьд:

Хязаалан насны ангилалд: Хөвсгөл аймаг, Алаг-Эрдэнэ сум — М.Энхтайванбаатарын Шонхор хээр,

Шүдлэн насны ангилалд: Увс аймаг, Түргэн сум — А.Ариунболдын зээрд,

Сонгомол дунд насны ангилалд: Завхан аймаг, Цагаанчулуут сум — Б.Гарьдын халтар,

Азарга насны ангилад: Завхан аймаг, Алдархаан сум Ч.Болд-Эрдэнийн Богд халтар,

Соёолон насны ангилалд Говь-Алтай аймаг, Эрдэнэ сум — Б.Гантулгын бор халзан

Даага насны ангилалд: Төв аймаг, Заамар сум — Ц.Пүрэвийн хүрэн

Сонгомол бага насны ангилалд- Өмнөговь аймаг, Даланзадгад сум - Д.Лагнайдоржийн хүрэн халзан

Их насны ангилалд: Завхан аймаг, Яруу сум -Д.Давгадоржийн Наран халиун,

Сонгомол дээд ангилад- 72 морь тус тус уралдлаа.

Ажлын хэсгээс бүртгэл, сүлжээний тасалдалгүй байдлыг хангах "Starlink" төхөөрөмж болон, энгэрийн камераар албан хаагчдыг хангаж ажиллахыг хүссэн байна. Мөн Аймгийн Баяр наадмыг зохион байгуулах комисст барианы хэсэгт уралдаанч хүүхдүүдэд зориулсан гар, нүүр угаах эрүүл ахуйн шаардлага хангасан тусгай цэг байгуулах албан шаардлага хүргүүлэн ажиллалаа.