Дундговь аймгийн баяр наадам болон “Их Мандал-6” улс, бүсийн хурдан морины уралдааны үеэр уралдаанч хүүхдийн аюулгүй байдалд хяналт тавьж, хүүхэд хамгааллын явуулын үйлчилгээг үзүүлэн ажиллаж байна. Наадмын хөтөлбөрийн дагуу нийт 9 насны морь уралдахаас өнөөдөр Хязаалан, Шүдлэн, Сонгомол дунд гэсэн 3 насны уралдаан амжилттай болж өнгөрлөө.

Гарааны баримт, тоо мэдээлэл:

Хязаалан: 84 морь бүртгэгдсэнээс 72,

Шүдлэн: 80 морь бүртгэгдсэнээс 65,

Сонгомол дунд: 78 морь бүртгэгдсэнээс 60 морь тус тус уралдлаа.

Өнөөдрийн 3 насны уралдаанд нийт 197 уралдаанч хүүхэд гараанаас гарч, хүүхдүүд ямар нэгэн эрсдэлгүй, сайхан наадаж барианд орлоо. Уралдаанч хүүхдүүдийн гэнэтийн ослын даатгал,Хамгаалалтын хувцас хэрэглэлийн бүрэн байдалд хяналт тавьж, нэгдсэн цахим системд бүртгэлжүүлэн ажиллалаа.

Энэхүү явуулын үйлчилгээнд 14 албан хаагч үүрэг гүйцэтгэж байна.

Уралдаанч хүүхдүүдийн аюулгүй байдлыг хангахад Хүүхэд, гэр бүлийн хөгжил, хамгааллын ерөнхий газар болон Хүний эрхийн Үндэсний Комиссын Дундговь аймаг дахь салбар хамтран хяналт тавин ажилласан байна