Үндэсний их баяр наадмын бэлтгэл ажлыг хангах хүрээнд Хүүхэд, гэр бүл хөгжил, хамгааллын ерөнхий газрын дарга Б.Баярсайхан нэгдсэн хурлыг зохион байгууллаа.

Хурлаар дараах гол асуудлуудыг хэлэлцэв. Үүнд:

-Үндэсний их баяр наадмын өдрүүдэд хэрхэн зохион байгуулалттай, хариуцлагатай ажиллах;

-Ажилтан, албан хаагчид мэргэжлийн ур чадвараа тогтмол дээшлүүлэх;

-Ажлын тайлан болон бодит үр дүнгийн үзүүлэлтийг сайжруулах.

Уулзалтын үеэр 21 аймаг, 9 дүүргийн Хүүхэд, гэр бүлийн хөгжил, хамгааллын газар, хэлтсийн мэргэжилтнүүдэд баяр наадмын өдрүүдэд хэрхэн ажиллах талаар үүрэг чиглэл өглөө.

Ерөнхий газрын дарга Б.Баярсайхан: "Албан хаагч бүр хийж хэрэгжүүлсэн ажил, хүрсэн үр дүн, тулгарч буй асуудал, бэрхшээлээ тоо болон чанарын бодит үзүүлэлт, баримт нотолгоонд тулгуурлан тайлагнаж сурах, энэхүү ур чадвараа улам сайжруулах шаардлагатай байна гэлээ.

Баяр наадмын өдрүүдэд хариуцлагатай жижүүр ажиллуулах, байгууллагын бэлэн байдлыг өндөр түвшинд хангахыг даалгалаа.

Мөн олон хоногийн баярын амралт эхлэх гэж байгаа тул аюулгүй байдлаа сайтар хангахыг санууллаа. Ээлжийн амралтаа авах албан хаагчид хариуцсан ажил, холбогдох баримт бичиг, мэдээллээ орлож үлдэх хүндээ маш тодорхой хүлээлгэн өгч, ажлын хариуцлага алдахгүй байхыг үүрэг болгов.

Мөн Төрийн албаны тусгай шалгалтад амжилттай оролцож, тэнцсэн дараах албан хаагчдад баяр хүргэлээ.

Санхүү төсөв, хууль эрх зүйн хэлтсийн дарга Ц.Өлзийдүүрэн, Хууль эрх зүйн асуудал хариуцсан ахлах мэргэжилтэн Г.Энхтунгалаг хүний нөөц хариуцсан ахлах мэргэжилтэн С. Болормаа, Хэвлэл мэдээлэл олон нийт хариуцсан ахлах мэргэжилтэн Г. Номин нарт удирдлагын зүгээс шалгалтаа амжилттай өгсөн албан хаагчдад хандан, төрийн албаны нэр хүндийг өндөрт өргөж, ёс зүй, ур чадвараа байнга хөгжүүлэн, байгууллагын хөгжлийн зорилгыг хангахад үнэтэй хувь нэмэр оруулан ажиллахыг хүсэн ерөөж, ажлын амжилт хүслээ.