Энэ сарын 5-нд ханш нээнэ. Энэ өдөр хаврын урь унаж, амьтай бүхэн сэргэдэг. Хятадууд энэ өдрийг буяны өдөр болгон тэмдэглэдэг уламжлалтай.  Эртний Хан Ши хэмээх хаан анх зурхайн ухаанаар “Ханш” гэж тэмдэглэн үлдээсэн нь манайд ч уламжлал болж ирсэн байна.

Ханш  нээх өдрийг  тохиолдуулан “Монгол шүтээн” төвөөс нийгмийн эмзэг бүлгийн иргэдэд зориулсан будаалгыг гурван өдрийн турш зохион байгуулахаар болжээ. Зах, худалдааны томоохон төвүүдийн үүдээр шил, сав түүдэг, хогийн цэг дээрээс амьдарлаа залгуулан ядуу тарчиг  аж төрж буй 1000 орчим хүнд аарц, сүүтэй будаа, бэрээс өгөх юм байна.

Ханш нээх өдрөөр монголчууд бурхан болоочдынхоо шарилыг эргэж, буяны үйл хийдэг уламжлалтай бөгөөд “Монгол шүтээн” төвийнхөн тийнхүү бусдад буян болохыг уриалж, жил бүр ийм хэлбэрийн ажил зоион байгуулахыг зорьж буй ажээ.

Б.Отгон

Эх сурвалж: Tumen.mn