Монголын шагайн харваан холбооны 2015 оны улсын аварга шалгаруулах тэмцээн өнөөдөр цуваа харваагаар эхэллээ. Энэ удаагийн тэмцээнд хот, хөдөөгийн 80 гаруй багийн 800 орчим харваач оролцож цэц мэргэнээ сорьж байгаа ажээ.Шагайн харвааны улсын аварга шалгаруулах тэмцээний эхний 3 байрт шалгарсан харваачид улсын цол зэрэг хүртдэг. Мөн энэ жилийн улсын аварга шалгаруулах тэмцээн үндэсний их баяр наадмын өмнө болж байгаагаараа урьд жилүүдээс онцлогтой болж байгаа юм байна.
Энэ талаар Монголын шагайн харвааны холбооны Ерөнхий нарийн бичгийн дарга С.Эрдэнэбаатар “Энэ жилийн хувьд дэлхийн соёлын өвд монгол шагайн харваа бүртгүүлсэн. Үүгээрээ их онцлогтой жил болж байна” хэмээн тодотгосон байна.
Н.Болд
