Сүүлийн үед хууль бус төрийн албаны томилгоо мэр сэр үзэгдэх болсон. Тэгвэл Дархан-Уул аймгийн хууль бус Засаг дарга олны анхааралыг татаад байна. Тус аймгийн ИТХ энэ сарын 9-нд хуралдаж, ИТХ-ын дарга Ц.Цэндсүрэн, Засаг дарга С.Насанбат нарыг огцруулах тогтоолыг гаргасан байдаг. Мөн уг хурлаар аймгийн ИТХ-ын даргаар П.Эрдэнэбатыг сонгож, Засаг даргаар А.Энхболдыг томилжээ. Харин энэ нь ИТХ-ын гурван төлөөлөгч сууж байгаад шийдсэн хууль бус томилгоо байсныг тус аймгаас сонгогдсон УИХ-ын гишүүн Д.Хаянхярваа хэвлэлийнхэнд баримт дэлгэн мэдээлж байсан удаатай. Өдгөө Дархан-Уул аймгийн Засаг даргаар хууль бусаар томилогдсон Агвааны Энхболд нь хувийн тодорхойлолт анкет болоод боловсролын хувьд хэд хэдэн зөрүүтэй мэдээллүүд ажиглагдсан юм. Тэрээр А.Энхболдын 2012 онд аймгийн ИТХ-д өгсөн анкетыг харахад:
-Дархан хот 9-р дунд сургуулийг 1978-1988 онд төгссөн
-ШУТИС: Бизнес удирдлага-Үйлдвэрлэлийн менежмент 1993-1998 төгссөн
-Удирдлагын хөгжлийн инсититут- Байгууллагын зохион байгуулагч 2000-2002 онд төгссөн
-Их Британий төрийн удирдлагын академи- Төрийн удирдлага 2010-2012 онд тус тус төгссөн байна.
Харин 2015 оны Дархан-Уул аймгийн Засаг дарга болохдоо өгсөн тодорхойлолтдоо:
-Дархан хот 9-р дунд сургуулийг 1986 онд төгссөн
-Дархан хот дахь ТИС-ийг: Зураг-Хөдөлмөрийн багш мэргэжлээр 1993 онд төгссөн
-Удирдлагийн Хөгжлийн Институдыг: Бизнес удирдлага мэргэжлээр 2001 онд
-Их Британы Удирдлагын академийг: Нийтийн албаны менежмент мэргэжлээр 2012 онд
-Рояал Академийг: Төрийн Захиргааны менежмент, магистрын зэрэгтэйгээр 2014 онд тус тус төгссөн гэж тодорхойлолтдоо тусгасан байна. Түүний 2012, 2015 оны анкет, тодорхойлолтыг харьцуулж харахад А.Энхболдын боловсролын түвшинд хэд хэдэн зөрүү ажиглагдав. Бүрэн дунд боловсрол эзэмшсэн үү гэхэд эргэлзээтэй. 2012 онд бөглөсөн анкетанд 1988 онд 10-н жилээ төгссөн бол 2015 оны тодорхойлолтондоо 1986 онд төгссөн байх юм. Ингээд бодоход Дархан-Уулын шинэхэн Засаг дарга бүрэн дунд боловсрол эзэмшсэн үү гэх асуулт гарч ирэв. Мөн ШУТИС-ийг 1993 онд элсэн орж 1998 онд төгссөн гэж ИТХ-д анкет бөглөсөн бол Засаг даргын тодорхойлтонд 1993 онд Дархан хот дахь ТИС-ийг төгссөн гэжээ. Ингэхдээ мэргэжлийн хувьд зөрж байгаа юм. Хууль бусаар аймгийн Засаг даргын суудлыг бөглөсөн энэ эрхэм чухам бүрэн дунд боловсрол эзэмшсэн үү, Их дээд сургууль ямар мэргэжлээр төгссөн зэрэг нь анхаарал татахын хэрээр нэлээдгүй “будилаан”-тай нөхөр болж таарав. Магадгүй түүнийг бүрэн дунд боловсрол эзэмшсэн эсэхийг хамт сурч байсан найз нөхөд нь л батлах боломжтой байх. Гэхдээ нотлох хүн байнуу гэдэг нь эргэлзээтэй.
Харин хууль бусаар Дархан-Уул аймгийн Засаг даргын зөөлөн сэнтийд заларсан А.Энхболдыг шүүхээс түдгэлзүүлсэн байна. Ингээд шүүхийн үйл ажиллагаа явагдаж байхад Ерөнхий сайд Ч.Сайханбилэг хууль зөрчиж есдүгээр сарын 18-ны өдөр Дархан-Уул аймгийн Засаг даргыг батламжилсан аж. Ингэснээр одоогийн Дархан-Уул аймгийн Засаг дарга, ИТХ-ын дарга нар нь хууль бусаар томилогдсон бөгөөд эл хууль бус үйлдлийг Ерөнхий сайд өөгшүүлэн дэмжсэн нь илтэд хууль зөрчсөн үйлдэл болжээ.
Эх сурвалж: Шуурхай.мн
/2012 онд аймгийн ИТХ-д өгсөн анкет/
/2015 оны Дархан-Уул аймгийн Засаг дарга болохдоо өгсөн тодорхойлолт/
Дархан хот дахь ТИС-ийг: Зураг-Хөдөлмөрийн багш мэргэжлээр 1993 онд төгссөн нь үнэн гэх тодорхойлолт нь хэр бодитой үнэн гэдэг эргэлзээтэй…
Эх сурвалж: Шуурхай.мн
