Японы “Никкэй” сонины газар 21 дэх удаагийн “Nikkei Asia Prize”шагналыг МУГЖ Д.Сособарамд гардуулахаар шийдвэрлэжээ. Уг нэр хүндтэй шагналыг тус сонины албанаас жил бүр Азийн бүс нутгийн хөгжил дэвшилд онцгой хувь нэмэр оруулсан Эдийн засаг, бизнесийн инноваци; Шинжлэх ухаан, технологи; Соёл, нийгэм гэсэн 3 салбарын тус бүр 1 зүтгэлтэнд олгож ирсэн бөгөөд энэ онд соёлын салбарт Монгол улсын иргэнд анх удаа олгож буй юм. Шагнал гардуулах ёслол энэ сарын 29-ний өдөр Токио хотноо болно.