Нөгөө бэл хөрөнгөө өвлүүлнэ гэдэг шиг улстөрийн эрх мэдлийг удам дамжуулан өвлүүлэх гэх хандлага манайд олширсон. Улстөрд ил далд хэлбэрээр орон зайтай нөхдүүд өөрсдийн үр хүүхдээ тэндээ багтаах гэж зүтгэдэг нь нэгэнтээ нууц биш болсон зүйл. Тэр ч утгаараа “ГОК”-ийн Ч.Ганзориг хүү Б.Тэмүүлэнгээ улстөрд уяад нэлээд хугацаа өнгөрчээ. МАН-ын дэргэдэх Нийгмийн Ардчилал Монголын Залуучуудын Холбооны тэргүүн хүү нь Архангайд нэр дэвшиж байгаа. Уг нь аав нь ч хүүгээ гишүүн болгочих гээд Архангайд багагүй сурталчилгаа хийж давхисан. Хүүгийнхээ нэр дээр хоёр насны морь уралдуулж, түрүүг нь авч байсан. Г.Тэмүүлэн аймгийн төвийн бүх айлаар орж 20 мянгатын дэвсгэртээр золгож, гурил тараасан гэхчлэн асуудлуудад холбогдсон гэхчлэн тоочоод байвал нэр дэвших бэлтгэлээ базаасан байж болзошгүй асуудлууд хэдэн жилийн өмнөөс хийгдсэн л дээ. Гэхдээ нэг зүйл үнэхээр чухал. Үг хийгээд үйлдэл нь үнэн зөв хүмүүсийг иргэд цаагуураа л мэдэж байдаг. Тэр утгаараа улстөр тийш горилж байгаа хүмүүс эхнээсээ нэрээ хичээж, зөв байх нь чухал байдаг. Гэтэл Ч.Ганзориг гэж хүн хүүгээ улстөрд сойхын хажуугаар хууль бус үйлдлүүдтэй холбогдож л явж ирсэн байдаг. Тэрчлэн энэ удаад Ч.Ганзориг ган бөмбөлөгийн луйврын торыг Н.Энхбаяртай хамт сүлжсэн үү? гэдэг асуудалд хамтдаа анхаарал хандуулъя.
Ган бөмбөлөгийн шахааны наймаа гээд байгаа нь зэсийн хүдэр бутлах зориулалттай ган бөмбөлгийг ихэнхи нь урд хөршөөс нэг тонныг нь 400-500 ам.доллараар оруулж ирээд “Эрдэнэт” үйлдвэрт тонныг нь 1300-1400 ам.доллараар шахаад дундаас нь их хэмжээний мөнгө унагаж байсан бизнес бол зарим нь бөмбөлөг нийлүүлнэ гэж мөнгө авчихаад мартчихдаг завхарсан явдлыг хэлээд байгаа аж. Эл шахааны наймаатай холбоотойгоор улстөрчид Эрдэнэт Үйлдвэрт 90 сая гаруй ам.долларын хохирол учруулсан бөгөөд экс Ерөнхийлөгч Н.Энхбаяр бол ил яригдаж байгаа нэг нь л юм. Уг нь ган бөмбөлөгийн шахааны наймааны гэрээнүүд Эрдэнэтийн захирал Х.Наранхүүгийн үед хэд хэдээрээ хийгдсэн байдаг. Харин тэдгээрийг нь төлөгдөх боломжгүй өр гэсэн жагсаалтад багтаан, залруулах ажлыг дараагийн захирал Ч.Ганзориг гардан гүйцэтгэсэн байдаг аж.
Тухайлбал, Экс Ерөнхийлөгч Н.Энхбаярын эхнэр О.Цолмонгийн үеэл болох Ж.Мягмаржаргалын удирддаг “Henlon”, “Great Global international” компаниудын өрийг цайруулсан хүн бол Ч.Ганзориг гэнэ. Эдгээр компаниуд нь Н.Энхбаярын Ж.Мягмаржаргалтай хамтран хийдэг бизнес юм байна. Н.Энхбаяр нарын хавтаст хэрэгт бичигдсэнээр Хонконгод бүртгэлтэй “Helon Company Ltd”, “Great global international” гэх хоёр компанийн нэрээр “Эрдэнэт” үйлдвэрт удаа дараа ган бөмбөлөг нийлүүлэх гэрээ байгуулан, их хэмжээний мөнгө залилсан болохыг хууль хяналтынхан тогтоосон гэж байсан юм.
“Henlon” компанийн хувьд 2005 оны 3 сарын 24-ний H-L-240305 тоот гэрээгээр 1.337.240, сая ам.доллар, 2006 оны 6 сарын 23-ны H-L-240606/05-327 тоот гэрээгээр 439130.07 ам.доллар, “Great Global international” компани нь 2007 оны 10 сарын 24-ний 2007\05-581 тоот гэрээгээр 1.580.000 сая ам.доллар гаргуулсан гэх. Гэсэн ч ган бөмбөлөг нийлүүлэх үүргээ умартан Эрдэнэт үйлдвэрт гурван сая гаруй ам.долларын хохирол учруулжээ. Эдгээр гэрээнүүд Х.Наранхүү Эрдэнэт үйлдвэрийн захирал байх үед хийгдсэн. Харин энэ өрийг нь “Эрдэнэт үйлдвэр” компанийн хуулийн хэлтэс “Төлөгдөх боломжгүй” өр гэдэгт оруулаад хаях үед Ч.Ганзориг Эрдэнэтийн захирал байсан байгаа юм.
Тэгэхээр эдгээрээс үзэхэд Ч.Ганзориг бол улстөр, бизнесийн луйврын торыг өнгөрсөн жилүүдэд сүлжиж ирсэн увайгүй нөхдүүдийн нэг байх магадлал дэндүү өндөр нэгэн юм. МАН-ын үед мөнгө олох луйврыг нь гардаж байсан тэрээр, АН-ын үед ч хоёр нүүр гаргах гээд хэрэндээ л үзээд явна.
Б.Тамир
Эх сурвалж: Шуурхай.мн
