Бид Джоанна Кейн зурхайн зөвлөмжийг танд хүргэж байна. Энэ удаад эрэгтэй хүн эмэгтэй хүнийг орхихоор шийдсэн бол ямар зан гаргадаг тухай мэдэж аваарай.

Хонь

Энэ ордонд төрсөн эрэгтэй түргэн зантай учир үр дагаварыг нь огт бодохгүйгээр салах шийдвэр гаргадаг. Бүх юм огт дэмий хэрэггүй маргаанаас эхэлнэ. Уур нь хүрч “бүх юмнаас залхаж гүйцлээ, болж байгаа юм алга, цаашид чадахгүй” гэж хашгичин “салах хэрэгтэй, тэр нь дээр юм байна” гэх нь бий. Гэхдээ үүнийг ноцтой юм гэж бүү бод. Түүний хувьд ингэх нь уураа гаргах арга юм. Тун удалгүй л чамайг гомдоож дэмий юм ярьснаа бүгдийг мартаж орхино. Үнэхээр чамаас салахаар шийдсэн бол тэр огт өөрөөр аашлах болно. Тэр чангаар хашгирч, уурлахгүй харин ч эсрэгээр чимээгүй намдуу байх ба түүнийг ердийнхөөсөө өөр болж, элдэв зүйл ярьж чамайг ч өөрийгөө ч зовоохгүй, сэжиг бүхий тайван байх болсныг чи ажиглана даа. Ийм тохиолдолд дүгнэлт ганц л байна. Түүний хайрын гал унтарч байна. Тэр чамайг гайхан бахдахгүй, амралтаа яаж өнгөрөөх гэж байна гэж асуухгүй. Томилолтоор урьдынхаасаа их явах болж, найз нөхөдтэйгөө байн байн уулзаж байх болно. Ингэж чамаас холдон холдсоор чиний амьдралаас алга болоод өгнө. 

Салсныхаа дараа а хоёр дайсан болно гэж байхгүй. Харин ч тэр чамд жинхэнэ найзын ёсоор хандах болно. Тэр чам дээр ирж байх ба түүний хувьд хүнд хэцүү, тусламж дэмжлэг хэрэгтэй үед бүүр ч их ирнэ. 

Ихэнх эмэгтэйчүүд энэ тохиолдолд тэр түүн дээр буцаж ирэх санаатай, уучлал гуйж байна гэж боддог. Огтхон ч үгүй! Тэр зүгээр л та хоёрын хооронд бий болсон сэтгэлийн холбоо, харилцан ойлголцлыг хүндэлж үзэж байгаа нь тэр. Шинээр харьцаатай болсон хүнтэйгээ тийм ч амархан дотно болчихгүй шүү дээ.

Тэр чамайг эмэгтэй хүний чинь хувьд сонирхсондоо биш бие биенээ өмнө нь ойлгодог байсандаа л чам дээр ирсээр байх болно. Энэ харьцааг нь найзархаг харьцаа л гэж бодохоос илүү өөр юм бодох хэрэггүй. Хэсэг хугацааны дараа тэр ирэхээ болино. Хонины ордонд төрсөн эрчүүд нэг л явсан бол буцаж ирнэ гэж байдаггүй.

Үхэр

Үхрийн ордныхны хувьд салалтаас илүү муу юм гэж байхгүй. Хамтын амьдралаас салалт нь илүү зөв боломж гэж шийдсэн ч тэр энэ үйл явцыг удаашруулж өөр гарц арга зам хайж байдаг. Хүүхэдтэй бол салах тун дургүй. Салах шийдвэр гаргалаа ч гэсэн тэр гэр орон, хүүхэд, нэн тэргүүнд чамд ихэд дасаж татагдах учир түүний хувьд энэ нь амаргүй, сэтгэл өвтгөсөн зүйл. 

Үхрийн ордныхон салах тухай бодвол та хоёрын хооронд засаж болшгүй ан цав нэгэнт гарсан гэсэн үг бөгөөд түүний бодлоор юуг ч өөрчлөх аргагүй болсон байна. Чи түүнийг хуурч өөр хүнд талтай болсон ч юм уу, эсвэл чиний байгаа байдал таалагдаагүйгээс ч юм уу чамайг хардах сэтгэл толгойд нь төрнө. Тэр юу болоод байгааг ойлгоход амархан. Чамаас болж зовж шаналан өөрийнхөө амьдралын үнэ цэнээр ч болов чамайг шийтгэхийг хүснэ. Салах шийдвэр гаргахдаа өөрийгөө ч мөн шийтгэж байгаа гэдгээ тэр ухаарахгүй. Чамд түүнээс өөр эр хүн байгаа гэж бодохоороо, эсвэл чи өөр хүн чамайг эргүүлэхийг зөвшөөрч байгаа гэж бодон хардаж галзуурах шахна. Уур хилэн нь түүнийг зовоосон эмэгтэйгээс бушуухан холдох хүсэл төрүүлдэг. Гэхдээ тэр шууд явчихгүй. Та хоёр хамт байх нь утга учиргүй гэсэн шийдвэр гаргахын тулд эхлээд чамд уурлаж хашгичих болно. Болгоомжгүй үг, эвгүй хөдөлгөөнөөрөө чи галд тос хийсэнтэй адил байдалд хүргэж болох юм. Салах тухай эцсийн шийдвэр гаргахад энэ хангалттай. Нэг минутын дотор л тэр юмаа боож аваад хаалга саван гарч одно. Тайшраад буцаж ирнэ гэж бүү бод. Түүний шийдвэр нь түргэн уурандаа болж гаргасан шийдвэр биш, тэр удаан бодсон. Хэрвээ та хоёр дараа тааралдвал чамтай хэвийн ярьж чадах сайн танил ч юм уу, эсвэл зүгээр нэг танил хүнтэйгээ уулзана гэж бодсоны хэрэггүй. Энэ салалт түүний хувьд сэтгэл санааны дарамтанд оруулсан хэтэрхий хатуу цохилт болно. Чи хичнээн хичээгээд ч та хоёрын хооронд хэвийн харьцаа ахин бий болохгүй. Сайнаар бодоход тэр чиний хажуугаар толгой дохин өнгөрөх болно.

Ихэр

Эмэгтэй хүнээс сална гэдэг Ихрийн ордныхны хувьд ямар ч асуудал биш. Нэг ч эмэгтэй надад зовлон учруулах ёсгүй гэж боддог учир тэр ийм жаахан асуудлаас болж өөрийгөө зовоохгүй. 

Тэр салахаар шийдсэн бол түүний эмэгтэй эрх чөлөөг нь хэтэрхий боогдуулсан хамгийн буруу алхам хийсэн гэсэн үг. Тэр үүнийг хэзээ ч тэвчихгүй, эмэгтэйчүүдэд нэг их татагдаад байдаггүй учир нөхцөл байдлыг сайн ойлголгүй салах шийдвэр гаргадаг. Тэр байтугай түүнийг ажлаасаа ирэхэд нь хэдийгээр олон жил хамт амьдарсан боловч үргэлж үглэж, сэтгэл дундуур байдаг эхнэр нь байхгүй байна гэж мөрөөдөх болно.

Тэр чамаас залхсан, салах тухай бодож байгаа гэдгийг яаж мэдэх вэ? хэлж ярилгүйгээр ийш тийшээ явах нь ихсэж, хүссэнээ л хийн чамд ямар ч тайлбар хийхгүй. Нэг үгээр хэлэхэд чамайг огт анхаарахгүй болно. Эцэст нь түүнтэй ямар нэг байдлаар уулзаж ярих боломж чамд олгохгүйгээр агаарт ууссан мэт алга болно. Чи түүнийг ахиад олж харна гэж найдах хэрэггүй. Тэр бодлоо өөрчлөөд, чамайг санаад иргэж ирнэ гэж байхгүй. Тэр чамайг чиний бодсоноос ч хурдан мартаж та хоёрын хооронд хэзээ нэгэн цагт хайр сэтгэл байсан тухай санах ч үгүй. Дээд тал нь найзтайгаа хундага юм хувааж уухдаа түүний амьдралд хэзээ нэг цагт амьдралыг нь хордуулж байсан эмэгтэй байсан тухай санаа алдан дурсаж яаж тэвчиж байсан тухайгаа ярьж болох юм.

Хэрвээ та хоёрын хооронд түр зуурын холбоо байсан бол тэр өөрөөр байх байсан. Уулзалдахаа болихоор шийдсэн ч чамтай найз нөхөд хэвээр байсан нь дээр гэж үздэг. Үе үе тэр чам дээр ирж хуучнаа дурсаж чрьж суухыг хүсдэг. Энэ нь тэр чамд сайн ханддаг гэдгийн тэмдэг. Сэтгэлийнх нь нарийн утсыг хөдөлгөж чадаагүй холбоо арай таатай төгсгөлтэй.

Мэлхий

Зурхайн бүх ордноос Мэлхийн ордныхон л хэн ч буруутай байлаа гэсэн, юунаас ч боллоо гэсэн хайр сэтгэлд төгсгөл иржээ гэдэгтэй эвлэрэхэд хамгийн хүнд байдаг гэдгийг мэдэх хэрэгтэй. Салалт... мэлхийн ордныхонд ахин ганцаараа амьдрах болно, ганцаараа хооллож, хайртай хүнгүйгээр оройг өнгөрөөх тухай бодол хамгийн муухай. Өөрийн зан төрхийн онцлогоос болж Мэлхийн ордны эрэгтэйчүүд өөр бусад ордны эрчүүдтэй харьцуулахад салах санаачлагыг гаргах нь ховор. Харин хаягдах нь элбэг. Хэрэв мэлхийн ордныхон салахаар шийдсэн бол энэ нь тэр хоёрын холбоо түүний бодсон шиг байж чадалгүй байнгын шаналалын эх сурвалж болж байна гэсэн үг. Хайр сэтгэлийнхээ хариуд тэр хүйтэн харьцаа, бүдүүлэг зан, хурц шүүмжлэлтэй тулгарахаас гадна хамгийн гол нь түүний сонгосон хүн айл гэрийн голомтоо бий болгох талаар санаа тавихгүй байсантай холбоотой. Иймэрхүү байдал Мэлхийн ордныхнийг цөхрөлд хүргэдэг. Эмэгтэй нь гэрлэх тухай шийдвэрийг сунжруулах тусам тэр улам бүр их дарамтанд ордог байна. Эцсийн бүлэгт тэрээр үр хүүхэдтэй өнөр өтгөн айл болох гэр бүлийн тухай түүний үзэл бодлыг нь дэмжих тийм эмэгтэйг хайх шийдвэр гаргана. Чиний хайртай Мэлхийн ордныхны сэтгэлд салах тухай бодол төрсний дохио нь тэр дуугаа хурааж чиний асуултанд хариулахгүй, яриа өдөхөд чинь ямар нэг байдлаар дэмжихгүй байх явдал. Чамтай өрнүүлэхийн оронд чамруу ямар ч анхаарал хандуулахгүй. Сэтгэл санааны байдал нь тогтвортой биш, эсвэл ер бусын зөөлөн эелдэг, эсвэл хөндий хүйтэн, ялихгүй шалтгаанаар уурлаж уцаарлах нь хагарал гарсны тэмдэг. Ер нь л нэг үгээр хэлэхэд тэсэхийн аргагүй болж чи өөрөө салах тухай бодолхийлэх болно. Ийм төгсгөлд хүрлээ гэхэд чиний хамт амьдрагчаас сална гэдэг тийм амар биш. Танай гэр бүлийн амьдралыг зохион байгуулах бүх л ажлыг чи хийдэг байсан тул ганцаараа энэ бүх амьдралаа зохицуулж чадахгүй байдалд хүрнэ. Тиймээс тэр байнга утасдаж санаандгүй хүрч ирэх, яриа өдөх ба ингэхдээ буцаж ирэх тухай санаа цухалзуулж эсвэл уучлал гуйж, эсвэл бүр айлган сүрдүүлж ч магадгүй. Чамгүйгээр түүнд хэцүү байх ба ахин бүх амьдралаа шинээр эхлэх тухай яршиг болгон гомдоллох болно. Хэрвээ чи түүний буцаж ирэхийг зөвшөөрөх юм бол тэр дургүйгээ хүрэхээр яваад л, дураа хүрэхээр эргэж ирж байх болно гэдэгт бэлтгэлтэй байх хэрэгтэй шүү.

Арслан

Хайртай бүсгүй нь санаанд хүрээгүй бол Арслангийн ордныхон салах шийдвэрийг эргэж буцалтгүй гаргадаг. Ямар нэг юм өөрчилж болно гэж найдах хэрэггүй. Учир нь Арслангийнхан ямар нэг шийдвэр гаргахдаа туйлширдаг. Түүний хувьд хамгийн аймшигтай нь бардам зан, нэр төр нь сэвтэх явдал юм. 

Хэрвээ чи түүнийг үл тоож, санаа бодлыг нь сонсохгүй, хүний хажууд шүүмжилж, шоолох юм бол тэр шууд л бодох болно. Ийм харьцааг тэр минутаас илүү тэвчиж чадахгүй.

Салах тухай бодолтой байгааг нь мэдэж ядах юмгүй. Тэр ууртай, бүдүүлэг болж, дуугаа өндөрсгөн хэрүүл уруул татлах болно. Урьд өмнө нь ч чиний бодол саналыг сонсох нь бага байсан бол одоо бол чиний санал ч гэж байхаа болино. Тэр тэгэхээс тэгэх гэж чиний дэргэд бусад эмэгтэйчүүдийг магтана. Салах эцсийн шийдвэр гаргасны дараа чамтай ярилцахыг санал болгож чам руу хашгичин, өөрийнхөө сэтгэлийн зовлонг чам руу шидээд юмаа бөөгнүүлж хаалга саван гарч одно. Энэ мөчөөс эхлэн та хоёрын хооронд ямар нэг харьцаа байхгүй болно. Тааралдлаа гэхэд тэр чамтай нэг ч үг солихгүй, эргэж ч харахгүй, ер нь л та хоёр хэзээ ч танил байгаагүй юм шиг л байх болно. Сэтгэлийн зовлон нь түүнээс огт салахгүй. Та хоёр санаандгүй энд тэнд, уулзалт, хүлээн авалт, эсвэл том болсон хүүгийнхээ хуриман дээр тааралдлаа гэхэд тэр чамайг огт анзаарахгүй. Хүүхдүүдийнхээ хувьд эцэг нь байх боловч чи түүний хувьд байхгүйтэй адил. 

Харин чи буруугүй, тэр өөрөө өөр эмэгтэйтэй учир ургуулсан тохиолдолд та хоёрын харьцаа эелдэг хэвээр үлдэнэ. Тэр чамайг гүнээ хүндэтгэн харьцаж хүүхдүүддээ ч тийм харьцааг шингээнэ. Салахдаа тулвал нэр хүндээ битгий унагаарай. Хэрвээ түүний хүндэтгэл чамд хэрэгтэй бол тийм хэцүү, тааламжгүй нөхцөл байдалд ч чи өөрийнхөө сайн талыг алдахгүй өөрийгөө хүндэтгэх хэрэгтэй шүү.

Охин

Охины ордны эрэгтэйн хувьд гэр бүл салалт таагүй үйл явдал бөгөөд, тэр байтугай уй гашуу ч гэж хэлж болно. Иймээс тэр бүх чадлаараа үүний эсрэг байх болно. Салах шийдвэрийг тэр зөвхөн ямар нэг онцгой нөхцөл байдал бий болсон тохиолдолд гаргадаг. 

Түр зуурын өнгөц шохоорхлын харьцаа харьцаа төгсгөл болж байгаа бол огт өөр. Та хоёр хэдхэн удаа л уулзсан буюу ганц шөнийг хамтдаа өнгөрөөсөн бол Охины ордныхон зүгээр л чамд талтай хандана. Олон жил өнгөрсөн ч үүнийг мэдэхэд амархан. Тэр чам руу яаж харж байгааг харахад л хангалттай. Салсан ч гэсэн та хоёр бие биедээ хар буруу санахгүй найз нөхөд хэвээр үлдэнэ. Яагаад чухам ийм болсныг тэр чамд тайлбарлах шаардлагагүй, тэртэй тэргүй чамайг үүнийг ойлгож байгаа гэж боддог. Ингэж ердийн нэг үерхэл төгсдөг. 

Харин олон жил хамт амьдарсан, түүний хувьд зүгээр нэг танил эмэгтэй төдий биш хүнээс салахаар шийдсэн бол огт өөр хэрэг. Тэр хайртай байсан эмэгтэйгээ амархаан хаячихдаг эрчүүдийн нэг биш. Үүнд харин бэлэн байх ёстой. Хэрвээ чи түүнд хайр сэтгэлгүй болсон, хүндэтгэж үзэхээ больсон гэж байнга ойлгуулах юм бол та хоёрын харьцаа дуусгавар болж болох юм. Тэрээр эрүүл саруул ухаанаар энэ бүхнийг цэгнэн бодож нээрээ л хайр сэтгэл нэгэнт хөрсөн бол хамтдаа байх нь утга учиргүй гэсэн дүгнэлтэнд хүрдэг. 

Хэрвээ тэр өөр эмэгтэйрүү явахаар шийдсэн бол чамд ямар хэцүү байгааг ойлгож нөхцөл байдлыг хөнгөвчлөхийн тулд чадах бүхнээ хийдэг. Тэр чам дээр үе үе бэлтгэлтэй ирж, ая нь таарвал сайхан үг хэлэх болно. Гэхдээ энэ нь тэр буцаж ирэхийг хүсэж байна гэсэн үг биш юм. Үүнийг сайн ойлгох хэрэгтэй. Зүгээр л тэр өөрийгөө өөдгүй амьтан, эвгүй зан гаргасан гэж бодож, өөртөө болон чамд тийм биш шүү гэж итгүүлэхийг хүсэж байгаа хэрэг. Түүний энэ байдлыг чи: “чи бидний зам салсан ч гэсэн чи хэрэгтэй үед надад найдаж болно шүү” гэж ойлгох хэрэгтэй. Тийм болохоор түүнээс салахдаа чи амрагаасаа салж байгаа боловч найз чинь болж үлдсэн гэж л бод.

Жинлүүр

Жинлүүрийн ордныхны хувьд амьдралынх нь хамгийн чухал зүйл нь тайван байдал, зохицол байдаг. Ийм болохоор хайртай хоёр хүн сална гэдэг энэ бүхнийг эвдэж сэтгэлийн хүнд дарамтанд оруулдаг байна. Тиймээс Жинлүүрийн ордны эрэгтэй ийм байдал байдалд орохгүйн тулд бүхнийг хийхэд бэлэн байдаг. 

Харамсалтай нь янз бүрийн, нөхцөл байдлын улмаас ийм шийдвэр гаргахад хүрдэг. Та хоёрын хамтын амьдрал тэсэхийн аргагүй болж түүний хувьд там болсон тохиолдолд л тэр салах шийдвэр гаргана. Харин та хоёр түр зуурын, хөнгөмсөг харьцаатай байгаад тэр салахаар шийдсэн бол түүний эелдэг, найрсаг байдлаар уулзахаар зайлсхийх зэргээс үүнийг нь амархан мэдэж чадна. Харин олон жил хамт амьдарсан хайртай хүнээсээ салахад хүрч байгаа бол түүний хайртай эмэгтэй чи л буруутай. Тэр чамд гомдол гаргадаггүй байсан болохоор үүнийг чи мэдэхгүй байж ч магад. Салах тухай тэр нэг ч үг унагахгүй.

Тэр өөр эмэгтэй рүү явах болсон бол байнга эргэлзэж бүхнийг өөр хүнтэй эхлэх хэрэг байна уу даа гэж бодох болно. Ахин алдаа гаргах бий, чонын амнаас гарч барын аманд орчих юм биш байгаа гэж айх болно. 

Ийм тохиолдолд тэр бодлогошронгуй, анхааралгүй болж үүлэнд хөвж яваа юм шиг сэтгэгдэл төрүүлэх байх. Чи түүнд илүү элгэмсэг, зөөлөн хандах юм бол салах тухай шийдвэр гаргах нь түүний хувьд улам бүр хэцүү болно.

Та хоёр хүүхэдтэй бол бүр ч хэцүү. Эцгийн хайр, үр удамдаа хандах хандлага нь түүний хувьд асар чухал. Чиний мэдэж амжихаас өмнө тэр хүүхдүүддээ гаргасан шйидвэр нь хүүхдүүдтэйгээ харьцах харьцаанд ямар нэг байдлаах нөлөөлөхгүй, тэр урьдын адил тэднийгээ хайрлах болно, учир нь тэр тэдний эцэг гэж итгүүлж магад. Салах тухай шийдвэр гаргах нь чамаас ямар их хамаатай байгааг харж байгаа биз дээ. Нэг бол чиний тусламжтайгаар тэр сална, эсвэл гэр бүлдээ та нартай хамт үлдэнэ.

Хилэнц

Хилэнцийн ордны эрэгтэй бусад аль ч ордноос илүүтэйгээр салах тухай шийдвэрийг өөрийн санаачилгаар гаргадаг гэдгийг сана. Энэ нь түүний зантай холбоотой. Заримдаа тэр салах гэж байна гэх шалтгаар чамаар ямар нэг буулт хийлгэхийг хүсдэг. Чи түүнийг нь биелүүлчихвэл юу ч болоогүй юм шиг буцаад л ирнэ. Ийм болохоор эхлээд тэр үнэхээр салах гэж бодсон уу, эсвэл зүгээр л дүр эсгэж байна уу гэдгийг ялгаж салгах хэрэгтэй. Хэрвээ халуухан дурлалын дараа та хоёрын харьцаа найзархаг шинжтэй болсон бол аюултай. Тэр чамд сайн найздаа хандаж байгаа юм шиг хандвал эмэгтэй хүний чинь хувьд тоохоо больжээ гэж ойлгох хэрэгтэй. Энэ байдлыг зохицуулах хэцүү. Гэвч сэтгэлээр бүү уна. Сайн найзын шинэ дүрээсээ сайн талыг нь олж харахыг хичээ. Та хоёрын харьцаанд гарсан өөрчлөлтөөс болж элдэв шуугиан, хэрүүл маргаан гаргахгүй бол чи өөрийнхөө “Хилэнцийн” итгэмжлэгдсэн хүн болж болох юм. Чиний зүгээс гарах хэрүүл маргаан хамгийн бүдүүлэг алдаа байх болно. Найз Хилэнц чинь чамтай сэтгэлээсээ сэтгэлээ хуваалцаж зөвлөгөө хүсэх болно. Ер нь ч энэ ордныхон хуучин амрагуудтайгаа сайн харьцаатай байдаг. Тэдний амьдралд таагүй ул мөр үлдээсэн гэдгээ ойлгож шаардлага гарвал “хуучин, шалгарсан” найз бүсгүй дээрээ эргэж ирэхийн тулд холбоогоо таслахгүй байхыг хичээдэг. Заримдаа өөр эмэгтэй дээр очихыг очихоор шийдэхдээ өөрийгөө буруутай хэмээн тооцож маш болгоомжтой харьцдаг. Та хоёрын дотны харьцаанд хүйтэн хөндий байдал бий болвол чи түгшүүрийн дохио гэж ойлгоорой. Учир нь хилэнцийнхэн хайр дурлалын тал дээр маш халуун улс. Нэг бол тэр чамд шинэ найз залуу “олж өгч” ч магадгүй. Тэгээд та хоёрын харьцаа хэрхэн яаж өрнөхийг ажиглаж сууж болох юм. Тэгээд салах шалтаг болгохын тулд чамайг “үйлдэл” дээр чинь барихаар хичээх болно. Тэр зүгээр нэг явчихаж чадахгүй, бурууг чам дээр тохохоор хичээх нь чи түүний хувьд эрхэм хүн гэдгийг дахин харуулж байгаа хэрэг билээ. Тохиолдлын эмэгтэйтэй таарвал тэр ямар нэг тайлбар хийх гэж биеэ зовоохгүй.

Нум

Нумын ордныхны амьдрал санаандгүй зүйлээр дүүрэн байдаг. Оршин суух газраа байнга сольж, гэнэт буцаад ирэхийн тулд хайшаа ч юм явчихдаг. Энэ нь салах тухай бодол түүний хувьд нэг их сүр бадруулаад байх зүйл биш гэдгийг л харуулж байгаа хэрэг юм. Харин урт удаан хугацааны туршид хамт байсан хүнээсээ сална гэдэг өөр хэрэг. Хос хоёр ямар нэг ноцтой зорилго тавиагүй, түр зуур зугаацаж байсан бол салах нь түүнд амар байхсан. Зүгээр л нэг болох юм болж байгаа юм шиг л хандана. Эхлээд ямар ч тохиолдолд өөрийнхөө эрх чөлөөг хязгаарлах хүсэлгүй байгаагаа нуулгүй хэлнэ. Тэгээд өөр эмэгтэйтэй юм уу, хэд хэдэн эмэгтэйтэй уулзаж байх хүслээ ч нуухгүй. Чи түүний нууц амраг – найз нь ч юм уу, эсвэл нууц амраг – дүү нь байх болно. Чамтай найзархаг харьцаагаа хадгалж үлдэх хүсэлтэй байгаагаа хэлж үүнээс өөр зүйл та хоёрын хооронд байх ёсгүй гэж чамд ойлгуулна. Хэрвээ чамд талгүй бол хэнтэй ч зөвлөж ярихгүйгээр, чамд ч хэлэхгүйгээр тэртэй тэргүй өөрөө ойлгоно биз гээд л гэнэт гарч ирсэн шигээ чиний амьдралаас зүгээр л алга болоод өгнө. 

Заримдаа Нумын ордныхон жинхэнэ хайр сэтгэлийн холбоотой байж олон жил хамт амьдарсан эмэгтэйгээсээ салах шийдвэр гаргадаг. Хэрвээ тэр ийм шийдвэр гаргасан бол эмэгтэй түүний эрх чөлөөг боогдуулж хэт барьж байсных. Үүнийг тэр тэвчиж чадахгүй салахаар шийддэг. Өөр бас нэг шалтгаан байж болох юм: хайр сэтгэлийнх нь гал унтарч тэрээр харьцаагаа цааш үргэлжлүүлэх нь утгагүй гэж бодож болно. Түүнд хэдийгээр хэцүү байсан ч нэг хэвийн амьдрал түүнийг үгүй хийнэ гэж айж тэвчиж чадахгүй болсон байж болно. Тийм тохиолдолд тэр чамд хамт амьдрах сонирхол, хүсэл тэмүүлэл алга болжээ гэж хэлээд урьдынх нь амьдралд байгаагүй бүхнийг амлаж байгаа өөр эмэгтэй рүү явах болно.

Матар

Матрын ордныхны хувьд салалт сэтгэлийн там байдаг. Тэр өөрийгөө живж буй онгоцон дээр байгаа мэтээр төсөөлж амьдралынх нь хамгийн нандин, чухал юм хайшаа ч юм эргэж буцалтгүйгээр алга болчихож байгаа мэт санана. Түр зуурын хөнгөн харьцаа байсан ч гэсэн тэр гунигт төгсгөлийг сэтгэл өвдөн хүлээж авдаг. Их хүч, хайраа зориулсан олон жилийн амьдралдаа төгсгөл тавих тухайд бол ярихын ч хэрэггүй. Тэр чигээрээ л эмгэнэл гэсэн үг. Хэн нь ч салах шийдвэр гаргалаа гэсэн тэр зовдог. Магадгүй өөрөө санаачлагч нь байсан бол засаж болшгүй энэ бүх алдааны хариуцлагыг тэр өөрөө хүлээх ёстой гэсэн бодлоосоо болж бүр ч их шаналдаг. Түр зуурын холбоотой байсан эмэгтэйгээсээ салах бол итгэл найдварыг нь хөсөрдүүлчихлээ гэсэн бодол түүнд амар заяа үзүүлдэггүй. Хэрэв чи түүнтэй хэд хэдэн удаа уулзаж, дотно харьцаанд орсон бол түүнийг анхааралтай ажигла. Тэр ердийнхөөсөө дуу муутай, дарамтанд байвал муугийн шинж! Та хоёрын харьцаа удахгүй төгсгөл болно гэдэгт бэлтгэлтэй бай...

Олон жил хамт амьдарч, хайртай байсан эмэгтэйгээсээ салах бол тэр яах вэ? үүнд зөвхөн ганц л шалтгаан бий. Тэр хэзээ ч ямар ч тохиолдолд түүнийг гомдоосон эмэгтэйтэй хамт байж, түүнийг зовоосон эмэгтэйтэй дотно харьцаагаа үргэлжлүүлж чадахгүй. Энэ асуудлыг тэр учраа ололцохоор хоёуланг нь зовоосон таагүй яриа өрнүүлж шийдэхээсээ илүү харьцаагаа огцом тасалж шийдэхийг илүүд үзнэ. Чи хэрэв энэ асуудлыг урьдчилан зохьцуулж чадаагүй бол түүний гуниг чамд хайртай байсных гэж бодож сэтгэлээ зас даа. Өөр эмэгтэйрүү явахдаа чамайг ганцааранг чинь үлдээж зовоож байна гэсэн бодлоосоо болж найз нөхдөө чамд санаа тавьж байгаач гэж гуйдаг ч юм уу чадах чинээгээрээ чамд туслахыг бодно. Уучлал гуйх аргаа олохгүй ч зарим эрчүүдийн нэг адил буруугаа л лав чамд тохохыг оролдохгүй. Түүний явж байгаа нь нэг бол өөр эмэгтэйд хайртай болсон, нэг бол чи түүнийг маш их гомдоосонтой холбоотой. Гэхдээ салалтын нийтлэг шалтгаан нь түүнд зайлшгүй хэрэгтэй ганцаараа байх хүсэл байдаг.

Хумх

Бумбын ордныхны хувьд түүний амьдралаа холбосон хүн нь найдварыг нь хөсөрдүүлсэн тохиолдолд л салалтыг эмгэнэлтэйгээр хүлээж авдаг. Түр зуурын холбоо харьцаатай байсан бол яг энэ шалтгаанаар сэтгэл зовох юмгүйгээр салдаг байна.

Түр зуурын сээтгэнэл түүний хувьд юу ч биш учир нэг их юм боддоггүй ба эмэгтэй ч гэсэн ингэж л бодож байгаа гэж санадаг ажээ. Ер нь энэ тухай бодол түүний толгойд орж ирэх ч үгүй. Нэг сайхан орой тэр халуухан амраг байх боловч өглөө нь тэр тухайгаа мартчихаад сайн ннайз нь ч юмуу, ах нь ч юмуу гэж хэлхээр байдаг. Бүх юм дууслаа гэж чамд хэлэх гэж тэр цаг зарахгүй. Ер нь түүнийхээр бол эхлээ ч үгүй шүү дээ. Харин хэдэн жил хамт амьдарсан эмэгтэйгээ хаяахаар шийдсэн бол ганцхан л шалтгаан бий. Түүний хайрт нь хэтэрхий олон алдаа хийсэн гэсэн дүгнэлтэд тэр хүрчээ. Нэг биш удаа түүний зүгээс хүнд цохилт амссан боловч чимээгүй л явсаар тэвчээр нь барагдахаар салах шийдвэр гаргадаг. Бумбын ордныхныг дэлбэрч буй галт уултай зүйрлэж болох юм. Онцын шалтгаангүйгээр зүв зүгээр байж байгаад салах шийдвэр гаргана. Өөр эмэгтэйрүү явахдаа өөрийгөө чиний өмнө буруутай гэдгээ мэдэрдэг. Буруугаа яамд тохохыг хичээн чиний хэнтэй уулзаж байгаа, юу ярьж байгаа тухай мэдээлэл цуглуулж эв нь олдвол чамайг үйлдэл дээр чинь барихыг хичээнэ. Ингэснээр түүнд шалтаг бий болж бүх бурууг чамд тохоод сэтгэл амар өөр эмэгтэйрүү явах болно. Өрсөлдөгч эмэгтэй байхгүй, тэр зүгээр л эрх чөлөөтэй байхаар шийдсэн бол тэр бүүр хатуу зан гаргана. Салахаар хатуу шийдсэн бол тэр чамд урьдынхаасаа их халамж анхаарал тавьж хайр энхрийллээр дутаахгүй болно. Учир нь салсны дараа чи түүнийг бодон бодон уйлах, харамсах болно гэдэгт итгэлтэй байх л гэж тэр. Чамайг аз жаргалгүй болголоо гэж итгэсэн цагтаа тэр сэтгэл хангалуун явах болно.

Загас

Хэрэг салахдаа хүрлээ гэхэд Загасны ордны эрэгтэй түүнийг маш хүндээр тусгаж авдаг. Яагаад чухам ийм болчихов, хэн нь үүнд буруутай вэ гэдгийг тэр ойлгож чадахгүй. 

Голдуу тэр учраа олохоо байж болсон явдлыг чамд тайлбарлах оролдлого хийх боловч шаардлагатай зөв дүгнэлтийг хийж чадахгүй. Та хоёрын холбоо харьцаа түүний мөрөөдөж байсан тэр зүйл биш гэдгийг ойлгосон цагтаа хэн нэгэн нь салах санаачлага гаргах ёстой гэж ойлгох боловч хэзээ ч энэ үүргийг өөртөө үүрдэггүй. Гол төлөв тэр хаягдсан эрийн дүрийг сонгож авдаг. 

Хэрвээ та хоёрын хооронд зөвхөн түр зуурын өнгөц харьцаа байсан бол тэр явах тухайгаа ам ангайна гэж бодсоны ч хэрэггүй. Тэр янз бүрийн аргаар энэ тухай ярихаас зайлсхийж тэр урьдын адил чиний хажууд байхыг хүсэж байгаа боловч нөхцөл байдал ийм болоод байна гэх мэтээр өөрөөсөө зайлуулах болно. Тэр магадгүй хоёул сайн анд нөхөд болъё, энэ нөхөрлөл маань биднийг хайр дурлалаас ч илүү холбох болно гэж хэлэх вий...

Хэрвээ та хоёр хэдэн жил хамт амьдарсны дараа салахаар болсон бол та хоёрын зам аль хэдийнэ салчихсан байсан гэсэн үг. Хэдийгээр хамт амьдарч байгаа боловч хоёр биеэндээ хэлэх үг хэдийнээ алга болж гарах гарцгүй болжээ гэдгийг чи ойлгох ёстой.

Тэрээр чамтай ярих ч бодолгүй, зорилгогүйгээр тэр дороо холхиж, улирч одсон сайхан цаг үеийг нь санагдуулсан хуучны зураг үзэн бодлогошрон суух болсныг ажиглаарай. 

Чиний хувьд ийм байдал төгсгөл ирснийг сануулсан муу тэмдэг. Хэрэв тэр өөр хүн дээр очихоор шийдсэн бол чамаас нууцаар үүнийгээ хийнэ. Энэ тохиолдолд буруугаа мэдрэн сэтгэл нь зовох боловч чамд өөр хэн нэгэн байгаа гэж мэдвэл сэтгэл нь хөнгөрнө. Аль ч тохиолдолд явах шийдвэр гаргах нь түүнд хэцүү байх болно. Эцсийн шийдвэр гаргах болохоор хоёрдмол байдалд ордог. Чамайг ч, чиний өрсөлдөгчийг ч хоёуланг нь орхимоор түүнд санагдана.

Чи болон хүүхдүүд нь урьдын адил түүний хувьд нэгдүгээрт байдаг, тэр эмэгтэйтэй ноцтой ямар нэг юм болоогүй, болох ч үгүй гэж итгүүлэхийг оролдоно. Өрсөлдөгч эмэгтэй чинь харин түүнд эцсийн шийдвэр гаргахад нь тусалснаар түүний сэтгэл хөнгөрөн нөгөө эмэгтэй дээр очих болно. Гэвч эцсийн эцэст чи түүнд туслах ёстой. Тэр өөрөө хэзээ ч бие даан шийдвэр гаргаж чадахгүй.

Goolingoo.mn