Энэ мэдээ хуучирсан буюу 2020/09/21-нд нийтлэгдсэн мэдээ болно.

НАМАА ДЭЭРЭМДЭЖ БАЯНГОЛД НҮҮРГҮЙ БОЛСОН С.ЭРДЭНЭ ХҮРГЭН ХҮҮГИЙНХЭЭ АРД НУУГДАЖ БАЙНА

Эрт дээр үед тайж ноёдын хүргэнийг тавнан, хүүхдийг жонон гэж нэрлэсээр ирсэн. Тэгвэл өнөөдөр жонон, тавнангаа дагуулан улс төрд дур зоргоороо загнагчдын эгнээ бүр л тэлж байна Баянголыг бүтнээр нь захирч, ах дүү хамаатан садантайгаа нийлэн төсвийн хөрөнгө мөнгийг үрэн таран хийж, энэ дүүргийг өөрийн өмч хөрөнгө мэт дураараа захиран зарцуулж байсан С.Эрдэнийн ноёрхол нурж унахад бэлэн байна. АН-ын даргаас хөөгдөж, АТГ-т шалгагдаж, Капитал банк, Дарханы гурилын агуулахын хэргээр дээлээ нөмөрч магадгүй болоод байгаа С.Эрдэнэ Баянгол дүүргийг энэ удаа өөрийнхөө хүргэн хүү Г.Энхболдод өвлүүлж өгөхөөр бүхий л хүчээ хаяад байна. Тэрээр хүргэн хүүдээ Баянгол дүүргийг өгөхийн тулд Дүүргийн Иргэдийн төлөөлөгчдийн хуралд хамаатан садан, найз нөхөд, жолооч хамгаалагч гэх мэт 11 хүнийг нэр дэвшүүлжээ. Үүний зэрэгцээ өмнөх жилүүдэд хорооны Засаг даргаар өөрөө томилуулсан 10 хүнийг гаргаж ирж, дүүргийн эрх мэдлийг гартаа оруулахаар улайрч байна.
Тэгвэл Засаг дарга явсан хадам ааваасаа Засаг даргын ажлыг өвлөж авах гээд байгаа С.Эрдэнэ гэдэг ноёнтны тавнан Г.Энхболд гэгч бэ?


Тэрээр 1975 онд төрсөн. 1984-1992 онд Ерөнхий боловсролын 51-р сургуулийн 8-р ангийг төгсжээ. Г.Энхболд өөрийгөө “Санко” дээд сургуулийг 2004 онд төгссөн хэмээн намтар дээрээ бичдэг. Гэвч тухайн үед “Санко” нэртэй коллеж л үйл ажиллагаа явуулж байсан түүх байна. Тэр ч яах вэ. Наймдугаар ангиа төгсөөд 6 жил хийцгүйрч яваад коллежид л сураа биз. Харин яагаад дээд сургууль төгссөн гэж бичсэн нь ойлгомжгүй. Нэр дэвшигчийн намтрыг харахад сургууль төгссөнөөсөө хойш ямар нэгэн ажил хийж байгаагүй бөгөөд 6 жил ажилгүй явж байгаад 2010 онд Сүхбаатар дүүргийн Нийгмийн даатгалын хэлтэст байцаагчаар гэнэт ажилд орсон нь ил харагдана. Гэхдээ үүний цаана тэр бүр хүмүүсийн мэддэггүй нэг нууц бий. С.Эрдэнэ Ганц худагт саатуулагдаад байх үедээ ирээдүйн хүргэн болох Г.Энхболдтой танилцсан гэнэ. Тухайн үед Г.Энхболд Ганц худагт хар тамхины хэргээр хоригдож байсан юм гэнэлээ. С.Эрдэнэ Г.Энхболдтой гал хамууд болжээ. С.Эрдэнэ шоронгоос гарсныхаа дараа Г.Энхболдыг өөрийнхөө жолоочоор ажиллуулж байгаад төрсөн охин Э.Содгэрэлтэй нь дотносох болсон учраас 2010 онд Сүхбаатар дүүргийн Нийгмийн даатгалын хэлтэст байцаагчаар ажилд оруулжээ. 

Гэхдээ тэр яг үндсэн ажлаа хийдэггүй, зөвхөн С.Эрдэнэ даргын цүнхийг барьдаг, машиныг нь барьдаг, хаана ч явсан бие хамгаалагч шиг дагаж явдаг байсан гэнэ. Энэ цагаас эхлэн Г.Энхболд тавнангийн амьдрал эрс өөрчлөгдөв. Хадам аавынхаа нөлөөгөөр 2012-2020 он хүртэл бүхэл бүтэн найман жил Баянгол дүүргийн ИТХ-ын төлөөлөгч, Засаг даргын орлогч, дүүргийн иргэдийн төлөөлөгчдийн хурлын даргаар ажиллажээ. Мөн Баянгол дүүргийн АН-ын даргаар томилогджээ. Тэрээр хадам аавыгаа АН-ын даргаар ажиллаж байх үед намын ҮБХ-ны гишүүн болж, аливаа хурал цуглаан дээр хадам аавыгаа өмөөрөх ажлыг маш эрчимтэйгээр зохион байгуулж ирсэн. АН-аас нэр дэвшигч нараас 100 сая төгрөг авах нь буруу хэмээн Мөнх-Эрдэнэ тэргүүтэй гишүүд эсэргүүцэхэд Г.Энхболд тэдний эсрэг сөрж, хадам аавыгаа хамгаалсан. Тэр хадам аавтайгаа нийлэн УИХ-д нэр дэвшихийг хүссэн хүн бүрээс 100 сая төгрөг татаж, үүний шанд АН-ынхан навсайтал ялагдал хүлээж байв. Тэр ч бүү хэл өнгөрсөн УИХ-ын сонгуульд нэр дэвшихээр 100 сая төгрөгөө тушаачхаад өөрийнхөө суудлыг ХХБ-ны 49-ын хувийнханд нэлээд өндөр үнээр зарчихсан юм гэсэн. 


Иймэрхүү намтартай С.Эрдэнийн хүргэн Г.Энхболд тавнан Алтангадас одонгоор энгэрээ мялаалгаж явна. Гэхдээ түүний хийсэн ажил тун нимгэн. Баянгол дүүргийн ИТХ-ын даргаар ажиллахдаа хурлын дэг журмаа мөрддөггүй, өөрийнхөө эрх ашгийг л хамгаалдаг, сөрөг хүчин санал тавих юм бол асуудлыг шууд дардаг, албан бичиг дээр нь тамга дарж өгдөггүй боож хаадаг, дүүргийн төсөв хөрөнгийг шийдэхдээ сөрөг хүчин болох МАН-ын гишүүдэд хэл дуулгадаггүй, хөрөнгө мөнгийг хэрхэн зарцуулж, яаж хувиарлахыг зөвхөн хадмынхаа үгээр л хийдэг гэж ИТХ-ын төлөөлөгч нар үргэлж гомдол гаргадаг аж. Хэт их намчирхуу авирладаг ч намынхаа гишүүдийн хандивын 3 тэрбумыг завшиж, АН-ыг дээрэмдэн Баянгол дүүрэг бүү хэл Монгол даяар нэр нүүрээ түлээд байгаа С.Эрдэнэ Г.Энхболд гэгч ийм л хүний ард нуугдан өөрийнхөө оронд хүргэн хүүгээ түлхэж, БГД-гийн Засаг даргаар томилуулахаар улайрч байна. 

П.ДЭЛГЭРНАРАН: СОНГУУЛИЙН ХОРООД ИРГЭДИЙГ СОНГУУЛЬД ИДЭВХТЭЙ ОРОЛЦУУЛАХ БҮХИЙ Л АЖЛЫГ ХИЙЖ ГҮЙЦЭТГЭХ ЁСТОЙ
П.ДЭЛГЭРНАРАН: СОНГУУЛИЙН ХОРООД ИРГЭДИЙГ СОНГУУЛЬД ИДЭВХТЭЙ ОРОЛЦУУЛАХ БҮХИЙ Л АЖЛЫГ ХИЙЖ ГҮЙЦЭТГЭХ ЁСТОЙ
 
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
Энэ мэдээ хуучирсан буюу 2020/09/21-нд нийтлэгдсэн мэдээ болно.