Хоёрдах дэлгэцийн бүтээлээ үзэгчдийн хүртээл болгосон "Хувьсал" продакшны хамт олон нэгэн сайн үйлсийн аянд нэгдэхийг уриалж байна. Тодруулбал, Зургаан настай М.Тэмүүлэн хүү БНСУ-ын Сөүл хот дахь Вонжарёнг эмнэлэгт зургаа дахь сардаа хэвтэн эмчлүүлж байна. Түүний ээж Дэчинлхагвын Мягмарсүрэн хүүгийнхээ байдлыг бичиж, тусламж хүсэн “Хувьсал” продакшны хамт олонд захидал илгээжээ.
Тэд эмчилгээний эхний гурван шатыг амжилттай давсан, дөрөв дэх шатны өндөр өртөг бүхий эмчилгээг л хийлгэвэл бүрэн эдгэрэх бяцхан хүүд туслах гэж байна. М.Тэмүүлэнгийн эмчилгээний зардалд нэмэр болох хандивын тоглолтыг аравдугаар сарын 6-нд Монгол бөхийн өргөөнд зохион байгуулахаар төлөвлөжээ.
“Хувьсал” продакшны “Зүрхээр наадагч” уран сайхны кино нээлтээ хийгээд удаагүй байгаа юм. Тиймээс эгч дүүс уран бүтээлчдийн дуучин Цэцэтэй хамтарсан дуу нь хит болоод буй “Зүрхээр наадагч” киноны дуу “Мобиком”-ын Hitone, “Скайтел”-ийн “Скай мелоди” үйлчилгээнд оруулжээ. Уг дууг Hitone-доо татсан хүн бүр М.Тэмүүлэн хүүд туслаж байгаа гэсэн үг юм аа.
Ингээд жүжигчин А.Ганчимэгийн уриалгыг хүргэж байна.
