Засгаа огцруулна, нураана гэж гүйсээр байгаад төрийн байдал тогтворгүй болж эхэллээ. Одоогийн байдлаар хэд хэдэн шинэ нам "мэндлээд" байна. Харин ойрын өдрүүдэд дахин нэг нам шинэ бий болж магадгүй гэх шум тарлаа.
Энэ нам нь Н.Алтанхуягийн нам байх гэнэ. Сүүлийн үед нам дотроо гадуурхагдах болсон Н.Алтанхуяг тэргүүтэй улстөрчид шинэ нам "төрүүлэх" гэж байна гэх мэдээлэл хэвлэлийн хуудсаар хөвөрч байна. Тодруулбал, “Н.Алтанхуяг дээд шүүх өнгөрсөн долоо хоногийн пүрэв гаригт нэгэн шинэ намыг бүртгэжээ. Тэр нь Бүтээн байгуулалтын нам нэртэй юм байна. Тус нам УИХ-ын гишүүн Н.Алтанхуяг, Х.Тэмүүжин, Л.Болд, Ц.Оюунгэрэл нараас гадна, АН-ын гишүүдээс бүрджээ. Бүтээн байгуулалтын намыг бүртгэсэн талаарх мэдээллийг одоогоор ихэд нууцалж байгаа” гэж гарчээ.
Харин энэ талаар АН-ын ерөнхий нарийн бичгийн даргын үүрэг гүйцэтгэгч Л.Эрхэмбаяраас тодруулахад “Тийм юм байхгүй. Н.Алтанхуяг гишүүн нам байгуулаагүй” гэсэн хариултыг өгсөн юм.
Г.Лхагва
