Пүрэвжавын Өнөрбат 1989 онд Хөвсгөл аймгийн Мөрөн хотод төрсөн, 2005 онд Дархан-Уул аймагт “Жигүүр” цогцолбор сургуулийг, 2013 онд ҮБТДС-ийг төгссөн.
2000 оноос Дархан-Уул аймгийн “Мега-Старс” клубт дасгалжуулагч Ц.Баярсайханы удирдлага дор чөлөөт бөхийн спортоор хичээллэж эхлэсэн. 2006 оноос үндэсний шигшээ багт бэлтгэл сургуулилтаа хийж байна.
2005 онд спортын мастер, 2008 онд олон улсын хэмжээний мастер цол хүртсэн
Бүх ард түмний спортын наадмаас хошой, УАШТ-нээс 3 алтан медаль хүртжээ.
“Лондон-2012” зуны олимпийн наадамд оролцсон.
ДАШТ-нд 2011, 2014-2015 онуудад 3 удаа оролцсноос 2015 онд АНУ-ын Лас-Вегас хотод болсон ДАШТ-нд нэгдүгээр тойрогт хийлж хоёрдугаар тойрогт БНСУ-ын бөх Буингмин Гонгийг 3:0, 4:2, гуравдугаар тойрогт вэнэсуэлийн бөх Кристиан Солменназезийг 10:0, дөрөвдүгээр тойрогт францийн бөх Зелимхан Хажиевийг 4:1, 2:0, хагас шигшээ барилдаанд энэтхэгийн бөх Нарсингх Панчан Ядавыг 0:2, 4:2 онооны харьцаагаар ялж алтан медалийн төлөө АНУ-ын бөх, Жордан Эрнест Барроустай өрсөлдөж 0:2, 0:8 онооны харьцаагаар дийлдэж мөнгөн медаль хүртжээ.
2014-2015 онуудад АНУ-ын Лос-Анжелос хотод болсон Дэлхийн цомын төлөө эрэгтэй багуудын тэмцээнд оролцсон.
Ази тивийн аварга шалгаруулах тэмцээнээс 2008 онд БНСУ-ын Чэжү арал дээр, 2014 онд Казахстан улсын Астана хотод мөнгө, 2010 онд Энэтхэг улсын Нью-Дели, 2011 онд Узбек улсын Ташкент хотод хүрэл, Азийн залуучуудын аварга шалгаруулах тэмцээнээс 2007 онд Филиппин улсын Манила хотод мөнгө, 2006 онд Арабын эмират улсын Абу Даби хотод хүрэл медаль хүртжээ.
“Mongolian Open” олон улсын тэмцээнээс онд ОХУ-ын Кемерово хотод боодог “Шахтёрская слава” тэмцээнээс 2013 онд хүрэл, 2014 онд мөнгө, Якутск хотод болдог дасгалжуулагч Д.Коркиний нэрэмжит тэмцээнээс 2008 онд мөнгө, 2012-2013, 2014 онуудад 3 хүрэл, ОХУ-ын Буриад улсын ерөнхийлөгчийн Цомын төлөө тэмцээнээс 2015 онд мөнгө, 2007, 2008 онуудад хүрэл, 2015 онд ОХУ-ын Красноярск хотод болдог “Алтан Гран-При” тэмцээнээс мөнгө, БНХАУ-ын Өвөрмонголын өөртөө засах орны Хөлөнбуйр аймгийн Амгаланбаатар хотод болсон олон улсын тэмцээнээс хүрэл медаль хүртсэн.
