МУГЖ, Дуучин Д.Оюунтүлхүүр уран бүээлийн нээлтээ хийж сэтгүүлчидтэй уулзлаа. Энэхүү уулзалтын үеэр тэрбээр шинэ клип, нэвтрүүлгийг хийж байгаа гээд шинэ содон мэдээллийг хүргэлээ. Мөн "Хайрын эгшиг" өөрийн бие даасан тоглолтоо хийхээр болсноо дуулгасан юм.

-Шинэ клипүүд-

"Зүрхэнд туссан гэгээ", 'Нүдээ аниад бодоорой", "Энэрэл хайр’ дуунуудаа дүрсжүүлэн үзэгчдийн хүртээл болгохоор бэлэн болжээ. 

-“Бидний мэдэх Оюунтүлхүүр” телевизийн нэвтрүүлэг-

МУГЖ, Дуучин Д.Оюунтүлхүүрийг хүмүүнлэгийн үйлсээр нь хүмүүс андахгүй сайн мэдэх билээ. Японд байхдаа 500 гаруй хүмүүнлэгийн тоглолт зохион байгуулж, олсон орлогоо хоёр улсын сайн үйлсэд зориулсаар ирсэн юм.

Тэрбээр "Оюунтүлхүүр" сангаараа дамжуулж өнөөдрийг хүртэл олон зуун хүүхдүүдэд хүмүүнлэгийн тусламж үзүүлжээ. Япон- Монголын найрамдалт харипцаанд тодорхой хувь нэмэр оруулж, Японы ард түмэнд монголын өв соёл, зан заншил, соёл урлагийн талаарх мэдээллийг хүргэж, эх орноо сурталчилж байгаа анхны дуучин юм. Түүний тухай олны танил эрхмүүд юу гэж боддог талаар нэвтрүүлэгт дэлгэрэнгүй өгүүлэх юм байна.

Нэвтрүүлэгт Монгол Улсын анхны ерөнхийлөгч П.Очирбат. Гавьяат тамирчин, их аварга Асашёорү Д.Дагвадорж, Төрийн хошой шагналт хөгжмийн зохиолч, Ардын жүжигчин Н.Жанцанноров, Япон улсаас Монгол улсад суугаа Онц бөгөөд Бүрэн эрхт Элчин сайд Такэнори ШИМИЗҮ, Хөгжмийн найруулагч, продюсер. хөгжмийн зохиолч Н.Халиун, “Номин талст" хамтлагийн дуучин АХаянхярваа зэрэг олон алдартнууд оролох нээ.

Харин нэвтрүүлгийн хөтлөгчөөр нь СТА, жүжигчин Ч.Ундрал ажиллаж байна. 

-“Хайрын эгшиг” амьд тоглолтын тов гарлаа-

Түүний "Хайрын эгшиг" бие даасан тоглолт Соёлын төв өргөөнд ирэх 11 сарын 01,02-нд 19:00 цагаас болно. 

Дашрамд дуулгахад, Япон-Монголын найрамдалт харилцаанд оруулсан Д.Оюунтүлхүүрийн хувь нэмрийг үнэлж, Японы засгийн газраас нэрэмжит шагналаа өгөх болсныг түүний тоглолт дээр нь гардуулахаар болжээ. 

Эх сурвалж: www.dorgio.mn