Нийслэлийн МАН-ын хорооны Бага хурал энэ сарын 7 буюу бямба гарагт болно. Тус хурлаар Нийслэлийн МАН-ын хорооны дарга Х.Нямбаатар өнгөрсөн дөрвөн жилийн ажлын тайлангаа танилцуулах бөгөөд дараагийн даргыг сонгох юм.
Одоогоор Нийслэлийн МАН-ын даргад Хотын дарга Б.Пүрэвдагва нэр дэвшихээ илэрхийлээд байгаа бөгөөд өөр нэр дэвшигч одоогоор тодроогүй байна. Харин олон нийтийн анхаарлыг татаж буй асуудлын нэг нь яллагдагчаар татагдсан Х.Нямбаатар тус хуралд оролцох эсэх юм.
Энэ талаар Нийслэлийн МАН-ын хорооны Бага хурлыг зохион байгуулах ажлын хэсгийн ахлагч, УИХ-ын гишүүн Н.Алтаншагай "Нийслэлийн МАН-ын хорооны хурал дөрвөн жилд нэг удаа болдог. Мэдээж дараагийн дарга болон бүтэц, бүрэлдэхүүн яригдана. Х.Нямбаатар дарга цахимаар оролцож, тайлангаа тавих байх" гэжээ.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!