Энэ мэдээ хуучирсан буюу 2020/10/21-нд нийтлэгдсэн мэдээ болно.

ЯПОНЧУУД АМЬТАН ИДЭЖ БОЛОХ ЭКО УУТЫГ ХЭРЭГЛЭЭНД НЭВТРҮҮЛЖЭЭ

Өнгөрсөн жил Японы Нара хот дахь үхсэн буганы ходоодноос дөрвөн кг гялгар уут гарч ирж байсан билээ. Учир нь жуулчид, оршин суугчдын хаясан хог, гялгар уутыг буга хоол гэж идэх тохиолдол олонтаа гардаг байна.

Тэгвэл Японы Нара хотынхон гялгар уутыг буга идэж болох цагаан будааны уутаар орлуулах шийдлийг олжээ. Нара хотын цэцэрлэгт хүрээлэнд 1,200 гаруй буга аж төрөн байдаг. Цэцэрлэгт хүрээлэнгээр зочилж буй хүмүүс бугануудыг цагаан будааны хивгийн орц найрлага бүхий тусгай жигнэмгээр дайлах боломжтой. Тусгай жигнэмэг гэж нэрлэгдгийн учир нь нэгдүгээрт, орц найрлага байдаг бол хоёрдугаарт тэдгээр жигнэмгүүд нь гялгар уутгүй, дангаараа зарагддаг байна. Бугануудыг зөвхөн тусгай жигнэмгээр хоолловол гялгар уутны хаягдал гарахгүй, түүнийг нь буга идэхгүй байх ач холбогдолтой.

Гэхдээ хүмүүс дурын гялгар ууттай идэж уух зүйл авч ирэн, хооллох явдал олон тохиолддог байна. Хүмүүсийн хаясан гялгар уутыг буга хоол гэж бодон, иддэг байна.

Нара хотын оршин суугч, цаасны үйлдвэрийн эзэн Такаши Накамура гоо сайхны бүтээгдэхүүн үйлдвэрлэгч, дизайнеруудтай хамтран буганууд идэж болох аюулгүй, эко уутнуудыг хэрэглээнд нэвтрүүлжээ. Цаасан, эко уутнуудын хувьд буганы иддэг жигнэмэгт ордог орцтой адил орц, найрлагаар хийжээ. Тодруулбал, сүүний картон цаас болон цагаан будааны хивгээр идэж болох уутнуудыг үйлдвэрлэжээ.

⇐ Шинэ нисэх буудлын Шатахууны байгууламжийг турших ажил эхэлжээ
100 хар үйл явдалд оролцсон этгээдүүдийг “Хар жагсаалт”-ад оруулсан гэв ⇒
Энэ мэдээ хуучирсан буюу 2020/10/21-нд нийтлэгдсэн мэдээ болно.