Монгол түмэндээ зориулав.


Шуурхай мэдээ

Дуучин Т.Дэлгэрмөрөн архи үйлдвэрлэгчидтэй тэмцэнэ

Нийтэлсэн: Монгол Хүү | Нийгэм
2021 02 сар 22 ・ 1256

Согтууруулах ундаа хэрэглэдэггүй олны танил эрхмүүдийн нэг бол дуучин Т.Дэлгэрмөрөн. Тэрээр цагтаа сархад хүртэж явсан ч архи амсалгүй олон жилийг элээж буй. Харин тэр эл байдлаараа бусдад үлгэрлэхийг хүсэн, "Архи үйлдвэрлэгчдийн эсрэг тэмцэх үйл ажиллагаа эхлүүлж буй талаараар мэдэгдэл хийгээд амжив. 

Тэрээр цахим хуудастаа "Зээ хаврын тэргүүн сарын шинийн 8-ны бэлэг дэмбэрэлтэй өдрийн мэндийг тэнгэрлэг хийморьтой Монгол түмэндээ дэвшүүлж байгааг минь хүлээн авна уу.

Юу санасан ерөөлтэй хүсэл нь буман жилдээ дэлгэрч, хувь төгөлдөр гэгээн тавилан заяа нь түмэн төрөлдөө өөдлөн дэвших болтугай хурай хурай хурай. 

Өчигдөр орой охиныхоо дэргэд Солонгосын алдарт сөүжү брэндийн будааны нэрмэлийг амсах төдий зургаа тавихад, хайртай ах дүүсийн минь санаа зовж байгааг олж унших ихэд хөөрхөн байлаа.Тэгсэн мөртлөө тэд өөрсдөө цагаан сарынхаа ширээн дээр архиа өрж тавьчихаад бусдад эрхэм ёс мэт үлгэрлэн дуурайлгаж байсан хүмүүс билээ. Дээгий Зөөсий хоёр нь амьдралд хатуужиж хорвоогийн хорон муу нисванис бүхнийг байранд нь үлдээж хувь заяагаа бусдаас биш өөрөөсөө эрж хайн урагш тэмүүлэх болсон. Энэ орчлонд бид хоёр л ийм замыг туулаагүй ээ, мянга мянган ах дүүс минь бидний адил сэтгэл дотроо бэтгэрч байгаа. Тийм атал Дээгий нь архи ууж зовлон дээр зовлон удах усан тархитай хүн биш ээ.
 
Монгол ээжүүд ах дүүс минь надаас, дорой мунхаг зүйлийг хүсэж намайг хайрлаагүй юм аа гэдгийг Т.Дэлгэрмөрөн амьдарч байгаа зам мөрөөрөө мэддэг болохоор, бусдын итгэл сэтгэлийг алдаж үзээгүй үнэн шударга амьдарч ирсэн эцэг тэнгэр билээ.
 
Маргаашнаас эхлэн архи үйлдвэрлэгчдийн эсрэг тэмцэх үйл ажиллагаа эхлэх гэж байгааг албан ёсоор мэдэгдье. Тэдгээр хүмүүсийн халтар мөнгөнд хууртсан бохир амьдралаас болж хичнээн олон хүмүүс, хүүхдүүд гэмгүй сэтгэлээр хохирч үрэгддэг болохыг зог тустал нь ухааруулж, Монголын төрөөр хуулийг нь батлуулж гэгээн амьдралыг үлдээх гэж хичээнэ. Ард түмэнд үгээ хэлэх гэж би алдрын зэрэгт хүрсэн уран бүтээлч болоогүй, алаг хорвоод үйлийн үрийг таслан зогсоох гэж амьдралаараа сонгогдсон бусдыг сэрээх эх оронч Соёмбон толгойт билээ" хэмээн бичжээ.

Таньд манай мэдээ, мэдээлэл таалагдаж байвал "LIKE" дарж бидэнтэй нэгдээрэй