Энэ сарын 1-нд буюу хөл хорионы үеэр хөдөлгөөнд оролцоод явж буй эмэгтэйд цагдаагийн албан хаагч шаардлага тавихад эмэгтэй бичлэг хийн, цагдаагийн албан хаагчийг дээрэлхэж, элдвээр хэлж байгаа бичлэг олон нийтийн цахим сүлжээнд тавигдсан.
Энэ асуудлыг хэрхэн шийдсэн талаар ЦЕГ-ын Хэвлэл мэдээллийн төвөөс тодруулахад "Баянгол дүүргийн 4 дүгээр хороонд оршин суудаг С гэгч нь 2021 оны 05 дугаар сарын 01-ны 17.00 цагийн орчим тус дүүргийн 2 дугаар хорооны нутаг дэвсгэрт хөл хорионы дэглэм зөрчиж явж байхад нь цагдаагийн алба хаагч шаардлага тавьсан боловч эсэргүүцэж цагдаагийн алба хаагчийн хууль ёсны шаардлагыг биелүүлээгүй тул МУ-ын Зөрчлийн тухай хуулийн 15.2д заасны дагуу 250.000 төгрөгөөр торгосон байна" гэлээ.
