УРЧУУДЫН ЭВЛЭЛИЙН ШИНЭ ЕРӨНХИЙЛӨГЧ П.ГАНБАТ УРАН БҮТЭЭЛЧДЭЭ ХУЛХИДСААР БАЙХ УУ?

Монголын Урчуудын эвлэлийн хорооны ээлжит их хурал саяхан болж, Ерөнхийлөгчөөр зураач П.Ганбат гэгчийг сонгосон билээ. Гэхдээ уран бүтээлчид, зураачдын олонхийн саналаар бус увайгүй аргаар сонгогдсоныг эсэргүүцсээр байгаа юм.

Төгссөн сургуульгүй, эзэмшсэн мэргэжилгүй атлаа хуурамч баримт бичиг хүртэл хавсаргаж өгсөн нь илчлэгдсэн ч Удирдах зөвлөл энэ асуудлыг авч хэлэлцээгүй өнгөрсөн байдаг. Мөн Урчуудын эвлэлийн эзэмшлийн газарт хувийн хөрөнгөөрөө галлерей байгуулсан ч Урчуудын эвлэлд хүлээлгэж өгөлгүй, өөрийнхөө хувь нэр дээрээ гэрчилгээгээ гаргуулсан байдаг. Энэ бүхнээс дүгнэж үзэхэд, П.Ганбат нь хотын төвийн А зэрэглэлд багтах газар, барилгыг яван идэх дүр харагдаж байгаа юм. Тэгвэл түүнтэй холбоотой бас нэгэн ноцтой баримтыг уран бүтээлчид дэлгэж байна. МУЭ-ийн Ерөнхийлөгчид нэр дэвшигч нь ямарваа нэгэн өр төлбөргүй байх ёстой гэсэн шаардлага дүрмэнд нь тодорхой заасан байдаг аж. Гэтэл түүнтэй өрсөлдсөн уран бүтээлчид бүх шаардлагын дагуу баримт бичгээ өгсөн байхад П.Ганбат нь маш олон баримт дутуу бүрдүүлсний дотор өр төлбөртэй эсэх лавлагаагаа огт өгөөгүй байжээ. Харин тэрээр энэ үйлдлээ санамсаргүй мартсан биш санаатай өгөөгүй болохыг дараахь баримт илчилж байна. Тэрээр нийтдээ банк болон банк бус санхүүгийн байгууллагуудаас 300 гаруй сая төгрөг зээлж авсан байх бөгөөд 100 гаруй сая төгрөг нь муу зээл буюу чанаргүй зээлдэгчийн ангилалд оржээ. 2018-2019 онд төлж дуусгах ёстой өр төлбөрөө өнөөг хүртэл төлөлгүй гүрийж яваа тэрээр хувийнхаа хөрөнгөөр галлерей барьсан гэдэгт итгэх арга алга. Өр төлбөрийн асуудлаа цэгцэлж чадахгүй яваа тэрээр бүхэл бүтэн уран бүтээлчдийг төлөөлж ажиллана гэдэгт уран бүтээлчид итгэхгүй байна. Хувийнхаа хөрөнгөөр барьсан галлерей гэх умгар өрөөгөөрөө далимдуулан гартаа оруулж, олон арван жил уран бүтээлээ туурвисан уран бүтээлч, зураачдын ариун өргөө нэг л өдөр түүний гараар орж, банкны зээлд хураагдах вий дээ.

Барууны хяналтын автожин ашиглалтад орлоо
ХҮҮХЭД, ЭХЧҮҮДИЙН ЭРХИЙГ ЗӨРЧДӨГ ХУУРАМЧ ШҮҮГЧДИЙГ ЗАЙЛУУЛЪЯ
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!