Энэ мэдээ хуучирсан буюу 2021/12/08-нд нийтлэгдсэн мэдээ болно.

Зам тээврийн салбарыг дампуурал руу залсан Л.Халтар, С.Батболд

ЗТХ-ийн яам утгаараа дампуурсныг тэдний Төрийн нарийн бичгийн дарга С.Батболд гэгч өөрийн биеэр нотлон харууллаа.

Тэрбээр ажлын цагаар яамандаа лам залж, ажилчдынхаа нүгэл, буяныг дэнслүүлж аргадав. Мань дарга энэхүү лам залсан үйлдлээ тайлбарлахдаа “Манай салбар бол хүний амь насыг хариуцдаг тул энэ үйл ажиллагааг зохион байгуулж байна” гэж мэдэгдсэн аж.

Үнэндээ С.Батболд даргын энэхүү үйлдэл нь Дарханы зам дээр амь насаа алдсан олон мянган хүний өмнөөс нүглээ наминчилсан хэрэг. Учир нь тус яамны сайд дарга нарын буруутай үйлдлээс болж Дарханы зам ашиглалтад оролгүй олон ч хүнийг амь нас, эрүүл мэнд, эд хөрөнгөөр хохироосон гэхэд дэгдсдэхгүй. Тийм л учраас С.Батболд ажлын цагаар, ажлын байрандаа лам залж өөрсдийн хийсэн нүглээ аргадуулсан хэрэг.

Уг нь Л.Халтар сайд, С.Батболд нар лам залж, гэгээрэхийн оронд ажлын цагаар үндсэн ажлаа хийж, ТЭГ зогсолтод орчхоод байгаа авто тээвэр, агаарын тээвэр, төмөр зам, экспорт, импортын тээврүүдээ ажиллагаанд оруулах яаралтай арга хэмжээ авсан бол зүйд нийцэх байв.

Ямартай ч тэдний энэхүү ичмээр үйлдэл нь Зам тээврийн салбар утгаараа дампуурсныг гэрчлээд зогсохгүй тэднийг сайд, Төрийн нарийн бичгийн дарга хийх чадамжгүй нөхөд гэдгийг баталлаа.

Тиймээс Л.Халтар сайд аа, С.Батболд дарга аа зам тээврийн салбарыг самрахаасаа өмнө яаралтай огцорно уу.

Erennews.mn

МАН-ын УЗ-ийн хурлаар Зам, тээврийн хөгжлийн шинэ сайдын нэр дурдагдав
Г.Занданшатар: Бизнесийн шударга орчин бүрдүүлэх, төрд итгэх итгэлийг сэргээхийн төлөө хамтран зүтгэхийг уриалъя
Энэ мэдээ хуучирсан буюу 2021/12/08-нд нийтлэгдсэн мэдээ болно.