Энэ мэдээ хуучирсан буюу 2021/12/21-нд нийтлэгдсэн мэдээ болно.

Н.Учрал: Тоон гарын үсэг зөв хэрэгжээд эхэлбэл Улаанбаатар хотын замын түгжрэлийг бууруулах ач холбогдолтой

УИХ-ын гишүүн инновац, цахим бодлогын байнгын хорооны дарга Н.Учрал тоон гарын үсгийн талаар мэдээлэл өглөө.

Энэ талаар тэрбээр "Цахим гарын үсгийн хуулийг баталсан. Цахим гарын үсгийн хууль бол E-Mongolia дээр хэрэгжиж байгаа төрийн 600 гаруй үйлчилгээг иргэдэд хурдан шуурхай явуулах, өөрийгөө таньж мэдэх, өөрийгөө батлах, одоо том шийдэл болбол болсон. Өнгөрсөн хугацаанд Цахим гарын үсгийн хуулийг бид хэрэгжүүлж байсан хэдий ч хувийн байгууллагуудаар дамжуулаад 30 гаруй мянган цахим гарын үсгийг олгож байсан. Энэ бол маш хангалтгүй тоо юм.

Иргэн болгонд цахим гарын үсэг суулгаж өгөх нь маш чухал. Тиймээс цхаим гарын үсгийн хууль батлагдан гарснаар 16 нас хүрсэн иргэн бүрд иргэний үнэмлэх дээр нь энэ цахим гарын үсгийг нь суулгаж өгнө. Цахим гарын үсгийн хууль дээр нэг зүйлийг онцлон хэлэхэд цахим гарын үсэг зөв хэрэгжээд амьдрал дээр биелэлээ олох юм бол, иргэн болгон цахим гарын үсгийг хэрэгжүүлж, төрийн байгууллага нэвтрүүлж эхлэх юм бол өнөөдрийн Улаанбаатар хотын түгжрэлийг бууруулах чухал ач холбогдолтой гэж үзэж байгаа. Иргэд төрийн үйлчилгээг авах гэж нэг цонхноос нөгөө цонх руу очерлодог. Төрийн байгууллагуудын хооронд хэд хэд дахин явдаг. Тийм учраас цахим гарын үсгийн хууль хэрэгжээд, гэрээсээ гар утаснаасаа интернэт орчноос нийгмийн даатгалын тайлангаа мэдүүлдэг, төрийн 600 гаруй үйлчилгээг цахимаар хүлээж аваад дээрээс нь цахимаар өөрийгөө батлах боломж бүрдэж байгаа. Цахим гарын үсгийг бид нар бол тоон гарын үсэг гэж хэлэх нь бас илүү зохистой. Тоон гарын үсэг гэдэг нь тодорхой цифр нь дахин давтагдашгүй бөгөөд тухайн хүний мэдээллүүдэд хадгалагдаж байна аа гэсэн үг" хэмээв.

Х.Соёл

Газрын тос боловсруулах үйлдвэрийн “Түүхий тос дамжуулах хоолой барих төсөл“-ийн хамтран ажиллах гэрээнд гарын үсэг зурлаа
ЗӨВЛӨГӨӨ: Ажилгүйдлийн тэтгэмж авах хүсэлт цахимаар яаж гаргах вэ
Энэ мэдээ хуучирсан буюу 2021/12/21-нд нийтлэгдсэн мэдээ болно.