Энэ мэдээ хуучирсан буюу 2022/03/06-нд нийтлэгдсэн мэдээ болно.

Путин өрнөдийн эдийн засгийн хоригийг “дайн зарласнаас ялгаагүй үйлдэл“ гэлээ

Бямба гарагт ОХУ-ын ерөнхийлөгч Владимир Путин тус улсын эсрэг эдийн засгийн хориг зарласан өрнөдийн орнуудыг хатуу үгээр сүрдүүлсэн байна.

Тэрбээр улс орных нь эдийн засгийг сүйрүүлэх зорилготой арга хэмжээнүүдийг “дайн зарласнаас ялгаагүй” үйлдэл гэж тодорхойлжээ.

Путин бас энэ үеэр Оросын зэвсэгт хүчний эсрэг үргэлжлүүлэн тулалдсаар байх юм бол тусгаар тогтнолоо алдах эрсдэлтэйг Украины эрх баригчдад анхааруулсан байна.

“Одоо хийж байгаа зүйлээ үргэлжлүүлэн хийсээр байх юм бол Украин улс ирээдүйд байх уу, үгүй юу гэдэг эрсдэлтэй тулгарахаа тус улсын эрх баригчид ойлгох хэрэгтэй. Хэрвээ ийм зүйл тохиолдвол тэд өөрсдийгөө л буруутгахаас өөр аргагүй болно” гэж Путин анхааруулжээ.

Путиний мэдэгдлийн дараа ОХУ-ын гадаад хэргийн яам “хориг арга хэмжээний хийрхэл“-д автаж, Украиныг хамгийн ихээр дэмжин тусалж байгаа Их Британийн засгийн газрыг онцгойлон сүрдүүлсэн юм.

“Лондон гол дүрд нь тоглоогүй юмаа гэхэд тэргүүлэгчдийн эгнээнд тоглож байгаа хориг арга хэмжээний хийрхэл биднийг тохирох хатуу хариу арга хэмжээг авахаас өөр сонголтгүй болгож байна” гэж тус яамны хэвлэлийн төлөөлөгч Мария Захарова мэдэгджээ.

Саяхан Их Британийн засгийн газар ОХУ-д байгаа иргэдээ ямар нэг аргаар тус улсаас явахыг зөвлөсөн юм. ОХУ-д одоогоор Их Британийн 6,000 орчим иргэн бий.

Гэхдээ Их Британийн ерөнхий сайд Борис Жонсон сүрдүүлгийг үл хайхран Москвагийн эзлэн түрэмгийллийг зогсоох, Путиний дэглэмд үзүүлэх эдийн засгийн шахалтыг дээд хэмжээнд нь хүргэх, Украины өөрийгөө хамгаалах чадавхыг нэмэгдүүлэх зорилго бүхий зургаан зүйлтэй төлөвлөгөөгөө өчигдөр зарлажээ.

“Хууль дүрэмд суурилсан олон улсын дэг журмыг дэмжиж байгааг маань үүгээр илэрхийлэхэд хангалтгүй юм. Бид цэрэг зэвсгийн хүчээр энэхүү дэг журмыг өөрчлөх гэсэн аливаа оролдлогын эсрэг тууштай тэмцэх ёстой” гэж Борис Жонсон энэ үеэрээ хэлсэн байна.

Эх сурвалж: Associated Press

АМГТГ-ынхан Төв аймгийн Засаг даргатай хуйвалдан лиценз олгожээ
АМГТГ-ынхан Төв аймгийн Засаг даргатай хуйвалдан лиценз олгожээ
 
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
Энэ мэдээ хуучирсан буюу 2022/03/06-нд нийтлэгдсэн мэдээ болно.