Монгол Улсын Сонгуулийн ерөнхий хороо байгуулагдсаны 30 жилйн ойг тохиолдуулан сонгуулийн хууль тогтоомжийг боловсронгуй болгох, сонгуулийн шинэтгэлийг хэрэгжүүлэх, сонгуулийн автоматжуулсан системийг нэвтрүүлж ашиглах, сонгуулийн үр дүнг шуурхай мэдээлэх, гадаадад байгаа сонгогчдын саналыг авах ажлыг зохион байгуулж, Монгол Улсын ардчилсан сонгуулийн нэр хүндийг олон улсад өндөрт өргөхөд оруулсан бодитой хувь нэмрийг нь үнэлж Сонгуулийн ерөнхий хорооны дарга асан Ч.Содномцэрэн, Н.Лувсанжав, Ажлын албаны дарга Д.Баяндүүрэн нарыг Нийслэлийн дээд шагнал "Хангарди" одонгоор шагнасныг өнөөдөр Нийслэлийн ИТХ-ын дарга Ж.Батбаясгалан гардуулан өглөө.