Манай улсын 63.4 (давхардсан тоогоор) мянган иргэн энэ оны нэгдүгээр улиралд гадаадад зорчсоныг Үндэсний статистикийн хорооноос мэдээллээ.

Үүнээс 39.5 (62.4%) мянга нь аялал жуулчлалын зорилгоор зорчсон нь өмнөх оны мөн үеэс 25.6 (39.3%) мянгаар буурсан байна. 23.8 мянга нь буюу 37.6 хувь нь ажиллах, суралцах болон байнга оршин суух зорилгоор зорчсон нь өмнөх оны мөн үеэс 901 (3.6%)-ээр буурчээ.

Түүнчлэн хилээр нэвтэрсэн жуулчдын тоо энэ оны нэгдүгээр улиралд 12.2 мянга болсон нь өмнөх оны мөн үетэй харьцуулахад 8.5 мянгаар буюу 3.3 дахин өссөн ба өмнөх оны жилийн эцэстэй харьцуулахад 20.9 мянган (37%) жуулчдаар бага байна.

Хүснэгт. Гадаадад зорчсон Монгол Улсын иргэд /Жил бүрийн 1 дүгээр улирлын байдлаар, сонгогдсон улсаар/

ҮСХ

Гадаадад зорчсон Монгол Улсын иргэдийн 15.3 (25.1%) мянга нь эрэгтэйчүүд, 47.5 (74.9%) мянга нь эмэгтэйчүүд, 3,291 (5.2%) нь хүүхэд аж. Тэдний долоон мянга нь (11%) 90, түүнээс дээш хоногийн хугацаагаар явжээ.