Хөвсгөл аймгийн Мөрөн суманд иргэдээс бэлэн мөнгө авч 30-50 хувиар өсгөж өгдөг "Бэлтэс мөрөн" ХХК-ийн үйл ажиллагааг цагдаагийн байгууллагаас удаа дараа шалгаж ирсэн.
Хамгийн сүүлд өнгөрсөн ням гарагт /2022.04.24/ аймгийн цагдаагийн байгууллагаас шалгалт хийсэн. Улмаар өнөөдөр /2022.04.26/ цагдаагийн байгууллагаас “Бэлтэс Мөрөн” ХХК-ийн үйл ажиллагаанд хуулийн хүрээнд шалгалтын ажиллагааг явуулж байгаа болон аудитын дүгнэлт гарах хүртэлх хугацаанд иргэд тус компанитай шинээр гэрээ байгуулж, мөнгө байршуулахгүй байхыг анхаарууллаа.
