Энэ мэдээ хуучирсан буюу 2022/05/05-нд нийтлэгдсэн мэдээ болно.

“НИТХ журам баталж, түүнийг нь ХЗДХЯ бүртгэсэн тохиолдолд иргэд Улаанбаатар хотын гудамжинд нийтийн хоолны үйлчилгээ, худалдаа эрхэлж болно“

УИХ-ын чуулганы хуралдаанаар Засгийн газраас өргөн мэдүүлсэн Зөрчлийн тухай хуулийн төслийг хэлэлцэж байна. Хэлэлцэж буй асуудалтай холбогдуулан гишүүд асуулт асууж, хариулт авлаа.

УИХ-ын гишүүн Ж.Ганбаатар: Жижиглэн худалдаа эрхлэгчдэд төрөөс уян хатан боломж бүрдүүлнэ гэдэг заалт байгаа. Үүнийг тодруулж өгөөч.

Хууль зүй, дотоод хэргийн сайд Х.Нямбаатар: Иргэн н.Мишиг тэргүүтэй иргэд энэ асуудлаар маш олон удаа шаардлага тавьсан. Улаанбаатар хотын гудамжинд худалдаа, үйлчилгээ эрхэлснийхээ төлөө яагаад цагдаагийн байгууллагад торгууль төлөх ёстой юм бэ. Үүнийг Зөрчлийн хуулиас хасаж өгөөч гэдэг хүсэлтийг тавьдаг.

Үүний шалтгаан нь Нийслэлийн иргэдийн төлөөлөгчдийн хурлаас Улаанбаатар хотын гудамж талбайд худалдаа, үйлчилгээ эрхлэх нийтлэг журмыг боловсруулаад, ХЗДХЯ бүртгэж авалгүй нэлээд хэдэн жил болсон юм билээ. ХЗДХЯ яагаад бүртгэж авдаггүй байсан гэхээр Засаг захиргаа, нутаг дэвсгэрийн нэгжийн тухай хуульд НИТХ-д ийм эрх байхгүй гэдэг тайлбар өгдөг байсан.

Сүүлд бид Засаг захиргаа, нутаг дэвсгэрийн нэгжийн тухай хуулийг батлахад энэ эрхийг оруулж батлуулсан. Одоо НИТХ-ын дарга Ж.Батбаясгалан манай яаманд энэ журмаа баталж ирүүлэх ёстой. Журмыг манай яам бүртгэсэн тохиолдолд нийслэлийн иргэд тодорхой зөвшөөрөгдсөн газар, гудамж, талбайд худалдаа, үйлчилгээ эрхлэх эрх нь нээгдэнэ.

Өөрөөр хэлбэл, нийслэлийнхэн одоо ажлаа хийх хэрэгтэй байна.

Ер нь аливаа хотуудад гудамжинд ном зарах, хоол үйлдвэрлэл явуулах, худалдаа хийх эрх нь нээлттэй байдаг. Эдийн засгийн хүндрэлтэй энэ үед бүхий л бизнесийн боломжийг нээж өгөх ёстой гэж үзэж байна.

Х.Нямбаатар: Цахим мөрийтэй тоглоомд жилд ойролцоогоор 100 гаруй тэрбум төгрөгийг гадагшаа алдаж байна
Х.Нямбаатар: Цахим мөрийтэй тоглоомд жилд ойролцоогоор 100 гаруй тэрбум төгрөгийг гадагшаа алдаж байна
 
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
“ Захилагат хууль” -ийн автор Ч.Хүрэлбаатар УИХ-ын гишүүн А. Адьяасүрэнг заналхийлжээ
Энэ мэдээ хуучирсан буюу 2022/05/05-нд нийтлэгдсэн мэдээ болно.