Ховд аймгийн Мянгад суманд барьсан 10 МвТ-ын хүчин чадалтай "Ховд нар" нарны цахилгаан станц өнөөдөр ашиглалтад орж баруун бүсийн эрчим хүчний сүлжээнд нарнаас сэлбэсэн цахилгаан гэрлийн нэгэн шинэ цутгал нэмэгдлээ.

Нээлтэд Эрчим хүчний сайд Н.Тавибэх, УИХ-ын гишүүн С.Бямбацогт болон бусад албаны хүмүүс оролцож байна.

Дэлхийн банкны хөнгөлөлттэй зээл, буцалтгүй тусламжаар 2016 онд эхлүүлж байсан ажил ийнхүү бодитоор биелэлээ олж Ховд аймаг 80 мянган тонн хүлэмжийн хийнээс татгалзан, МУ эрчим хүч импортлогч бус экспортлогч орон болох ЭРЧИМ ХҮЧНИЙ СЭРГЭЛТ-ийн бодит эхлэл тавигдаж байна.

Баруун бүс сэргээгдэх, ногоон эрчим хүчний найдвартай эх үүсгэвэртэй болоход нэг алхам ойртлоо.