Бөхчүүд тамирчид улс төрд орох үзэгдэл олширч сум аймгийн засаг даргаас эхлэн хотын даргаар хүртэл ажиллаж болсон. Энэ удаад бид Булган аймгийн Засаг дарга Б.Ариун-Эрдэнийн талаар товч дурьдая.
Булган аймгийн ИТХ-ын 33 суудлын 19 суудлыг Ардчилсан нам авч аймгийн Засаг даргаар Б.Ариун-Эрдэнийг томилуулахаар 100 хувь санал нэгдэн нэр дэвшүүлж байсан нь саяхан.
Булган аймгийн Засаг дарга Б.Ариун-Эрдэнийг Ерөнхийлөгч асан Х.Баттулгын бие хамгаалагч байсан гэх мэдээлэл байдаг. Тэрээр Булган аймгийн Хутаг-Өндөр сумын харъяа бөгөөд 2017 оноос хойш тус аймгийн АН-ын даргаар ажиллаж байсан. Мөн Монголын самбо бөхийн холбооны ерөнхий нарийн бичгийн дарга, Монголын жүдо бөхийн холбооны дэд ерөнхийлөгчөөр ажилладаг байсан гэх.
Тэрээр 21 аймгийн засаг дарга нараас хамгийн их хөрөнгөтэй буюу ХОМ-тээ 2020 онд нийт 42 сая төгрөгийн орлоготой байсан бол гэр бүлийн орлого нь 22 сая төгрөг байсан гэжээ. Харин түүний нийт мал аж ахуйн тооллогоор /5 тэрбум 512 сая/ төгрөгийн дүнтэй дүйцэхүйц хурдан удмын 128 адуу, 338 үхэр, 325 ямаа, 420 хоньтой хэмээн мэдүүлсэн байдаг.
210,300,000 төгрөгийн “LAND CRUISER 200” автомашиныг албан хэрэгцээндээ унахаар худалдан авах ТЕНДЕР зарлаж байсан нь тогтоогдож байсан ч хүсээд байсан машинаа авсан баримт байдаг. Мөн Талийгаач МУ-ын начин Э.Энхбат, Н.Түвшинбаяр нарын зодооны хэргийн газарт Б.Ариун-Эрдэнэ байсан тухай эх сурвалжууд ярьсан байдаг. Ёс зүйн олон төрлийн доголдолтой энэ мэт хүмүүс төрийн тэр тусмаа аймаг удирдах чадвар хэр байдгийг мэдэж ядах юмгүй амархан санагдана.
Булган аймаг ерөнхий боловсролын сургуулийн сурагчдын ЭЕШ-ын үзүүлэлт оноогоороо 20-т жагсдаг ба, 21-т нь Баян-Өлгий аймаг ордог аж. Засаг даргийн санаачлагаар тус аймагт олон тэмцээн уралдаан зохиогддог гэх бөгөөд өнөөг хүртэл Булган аймгийн хөгжил бусад аймгууд шиг нэг шатаар ч ахиж зүйлгүй нь эмгэнэлтэй. Засаг дарга Б.Ариун-Эрдэнийн хууль бус томилгоонуудын талаар олон баримтыг тоочиж болох байна.
Нам дагасан том биетэй бөхчингүүд бус төрийн удирдах тушаалын мэдлэгтэй хүнээр дарга тавьдаг болвол зүгээрсэн. Улсын хөгжил хөдөөнөөс л эхлэдэг гэдэг дээ.
