Ургацаа бүрэн авахгүй бол хүнсний хомсдолд орох ЭРСДЭЛ ойрхон байна

Монгол Улсын хувьд хаданд хавчуулагдсан халиуны зулзага хөөрхий л гэдэг болж байна.

Хойд, урд хөрш нь дайны нөхцөл байдалтай, урт удаан үргэлжилсэн цар тахлын нөлөөгөөр улс орнууд экспортын бүтээгдэхүүндээ хилийн хориг тавьж, зарим улс хүнсний бүтээгдэхүүн ялангуяа улаанбуудайн дутагдалд орж дэлхийн зах зээлд үнэ нь өндөр байгааг статистик тоо баримтаас харж болно.

Энэ хүнд цаг үед Монголчууд нэн түрүүнд хүнсний хомсдолд орохгүй байх нь чухал болоод байна. Өөрөөр хэлбэл дотоодынхоо хүнсний хангамж, аюулгүй байдалд бүх нийтээрээ онцгой анхаарахгүй бол бидний өнөөдрийн тансаглал удаан үргэлжлэхгүйг албаныхан болоод шинжээчид сануулсаар.

Дэлхий нийтээрээ хямралтай байгаа энэ цаг үед Монголчууд бид дэндүү тансаг байгаа. Бид байгаль дэлхийгээсээ ургуулаад өгсөн үр шимээ, хүнс, ногоогоо хураагаад авч чадахгүй чи, би-дээ хүрээд хэрүүл хийж байна.

Олдохгүйн зовлон амсаагүй бидний хувьд газар дээр байгаа бэлэн хоолоо ч хамаж аваад хүнд хэцүү цагт нөөцлөе гэх ухаан ч алга.

Монгол Улсын төрийн тэргүүн нь хүртэл хүнсний хангамж, аюулгүй байдалдаа анхаарах нэн шаардлагатайг анхааруулсан.

Амаргүй цаг үе дэлхий нийтийг хүлээж байна. Ирэх намар өргөн хэрэглээний үнийн өсөлт, инфляцийн түвшин, олон улсын тээвэр ложистикийн өөрчлөлт, дайнаас үүдэн гарах хилийн хоригууд зэрэг олон асуудал өрнөнө.

Иймд бид бүх нийтээрээ үндэсний аюулгүй байдалдаа анхаарч, салбар бүр намрын ургацаа бүрэн хураан авахад онцгойлон ирэх намар "эх оронч үзэлтэй"-гээр оролцохыг уриалж байна.

Боловсролын салбар нь Үндэсний аюулгүй байдлынхаа төлөө оюутнуудынхаа оролцоогоор дэмжье гэсэн бол бусад салбаруудын оролцоо ч мөн нэн шаардлагатай байгааг эрдэмтэн, эдийн засгийн шинжээчид үзэж байна.

Бид хүнсний бүтээгдэхүүний үнийн өсөлтөөс биш ХОМСДОЛООС урьдчилан сэргийлэх цаг нь иржээ!

Ус хангамжийн цогц төслүүд хэрэгжиж байна
“Тээврийн хэрэгслээ хугацаанд нь үзлэгт хамруулаагүй бол хөдөлгөөнд оролцуулахгүй байх арга хэмжээ авч байна“
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!