ТЕГ-ын дарга агсан Б.Хурцын “Изинис Эйрвэйс” компанитай холбоотой БНХАУ-аас ОХУ- руу зэвсэг тээвэрлэсэн гэх шуугиан намжаагүй байтал уг компани нислэгийн чиглэлийн зөвшөөрлөө хэрхэн авсан талаар шуугиж эхэллээ.

Учир нь “Изинис Эйрвэйз” агаарын хөлгийн компани нь Зам тээвэр хөгжлийн яамнаас гадаад улс орон руу ачаа тээврийн болон зорчигч тээврийн нислэг үйлдэх зөвшөөрлийг авснаа зарласан. Ингэхдээ Улаанбаатараас Сөүл, Москва, Лондон, Станбул, Чэндү, Хайнаны чиглэл буюу хамгийн ашигтай чиглэлүүдийн зөвшөөрлийг авсан байдаг.

Тэгвэл энэ шийдвэрийг гаргахдаа Зам тээвэр хөгжлийн яам, түүний дотор тус яамны сайд С.Бямбацогтын зүгээс Б.Хурцад давуу байдал бий болгосон байх магадлалтай талаар шалгаж болзошгүй байгаа ажээ.

Мөн “Изинис Эйрвэйз” компанийн үйл ажиллагааны орлого зарлага бүх зүйлс гадаадад явагддаг тул их хэмжээний орлогоо нууж татвараас зайлсхийсэн байж болзошгүй байгаа талаар шум явах болов.

Б.Хурцын тухайд С.Зоригийн хэргийг илрүүлэх нэрээр Чимгээ, Содномдаржаа нарыг онц хэрцгийгээр эрүүдэн шүүсэн хэргээр гурван шатны шүүхээс 1,5 жилийн хорих ял шийтгүүлж түүнийгээ биечлэн эдлээд суллагдсан.

Нэг хэсэг Хуулийн хонгилын гол тоглогчоор тодорч хүмүүсийг айлгаж явсан Хурц сүүлийн үед С.Баярцогтыг сүүдэр мэт дагаж явах болсон ба АН-ын жагсаалтад нэрээ хавчуулж УИХ-ын гишүүн болно гэж тооцож байгаа талаар яригдах болсон. Гэхдээ тэрээр прокурор М.Энх-Амгалан, ҮАБЗ-ийн нарийн бичгййн дарга байсан Гансүх нартай хамтран Суруга Монгол Компанийн захирал япон өвгөнийг дээрэмдэж 10 га газрыг нь авсан хэрэгт шалгагдаж байгаа тул ийм боломж гарах эсэх нь тодорхойгүй юм.

Ямартай ч Б.Хурц гэдэг хүний шалгагдах хэргүүд нэг хэсэгтээ үргэлжлэх бололтой.