Хууль зүй, дотоод хэргийн сайд Х.Нямбаатар кёкүшюзан Д.Батбаяр, Т.Баясгалан, Н.Болормаа, Б.Цэрэндорж нарт холбогдох хэргийг шүүн, цагаатгасан шүүгч нарыг Шүүхийн сахилгын хороонд хандаж, “шүүлгүүлнэ” гэдгээ мэдэгдээд байна.

Тэрбээр энэ талаар хэвлэлд өгсөн өнөөдрийн /2023.04.10/ ярилцлагадаа “Кёкүшюзан Д.Батбаяр болон түүний эхнэртэй холбоотой маш тодорхой хэргүүд байдаг. Эцэст нь шүүх дээр жил гаруй хугацаанд барьж байгаад хэрэгсэхгүй болголоо. Д.Мөнх-Эрдэнийн хэрэгт алх цохьдог, Т.Бадамжунайг ирдэг өдөрт тааруулаад хаачихаж байгаа юм. Шүүх засаглал нь цэвэр тунгалаг байхгүйгээр шударга ёс тогтохгүй ээ гэж зургаа, долоон жилийн өмнөөс ярьж байна. Цаашдаа ч энэ талаар юм хийхгүй бол эздэдээ үйлчилдэг шүүгчид байсаар байна. Үүний тод жишээ нь Хан-Уулын шүүхийн шүүгчид боллоо.

… Хэргүүдийг "Кёкүшюзан"-ы хэрэг шиг шийдээд байвал бүр хэцүү болно. Шүүхийн сахилгын хороонд хандана гэж бодож байгаа. Шийдвэр гаргасан шүүгч нартай холбогдуулж, өөрөө хандана” гэжээ.