Олон улсын хүүхдийн эрхийг хамгаалах өдрийг угтан үндэсний манлай үйлдвэр "Талх Чихэр" хувьцаат компани нийгмийн хариуцлагын хүрээнд өнөөдөр /2023.05.31/ хүүхдийн баярын арга хэмжээг зохион байгууллаа. Тодруулбал, хүүхдийн баярын "Мөрөөдөл бидний ирээдүй-Та Чи" өдөрлөгийн хүрээнд "Талх Чихэр" ХК өөрсдийн 900 гаруй ажилтан албан хаагчдын 800 гаруй хүүхдэд гэнэтийн бэлэг барьж, урлаг соёлын хөтөлбөр, уут дүүрэн бэлэгтэйгээр нэгэн өдрийг дурсамж дүүрэн өнгөрүүллээ.

Өдөр бүр эрүүл хүнс хэрэглэгчдэд өгөх том зорилго өвөртлөн 24 цаг тасралтгүй ээлжлэн ажилладаг ажилчдаа хүүхдүүдтэй нь хамт хөгжилтэй, аз жаргалтай дурсамж бүтээх боломж бүрдүүлэх эрхэм зорилгын хүрээнд уг арга хэмжээг гэр бүлийн хүрээнд ийнхүү зохион байгуулж байгаа нь онцлогтой байна.

Хүүхдийн инээд баяр эргэн тойрондоо эерэг энерги түгээж, ойр орчноо аз жаргалаар дүүргэдэг учир өнөөдөр "Талх Чихэр" хувьцаат компанийн үйлдвэрийн хашаанд хүүхдийн дуу цангинасан жаргалаар хөглөгдсөн өдөр болж өнгөрөв. Гэр бүлээрээ халуун дулаан уур амьсгал бүрдүүлж, хөгжөөнт тоглоомд оролцох, амтат бялуу идэж, аав, ээжийнхээ ажлын байртай танилцаж байгаа нь хүүхдүүдэд хамгийн сайхан санагдаж байгааг хуваалцав.

ШААР ҮЛЭЭЖ, АМТТАЙ БЯЛУУ ИДЭЖ, ААВ, ЭЭЖИЙНХЭЭ АЖИЛТАЙ ТАНИЛЦАХ НЬ ГОЁ БАЙНА

М.УНДРАХ:

-Хүүхдийн баяр миний хамгийн дуртай баяр. Би есөн настай. Дуртай дуунуудаа сонсч, шаар үлээж, үсэрдэг тоглоом дээр тоглох нь гоё санагдаж байна. Мөн бэлэг маань маш гоё. Ээж, дүү хоёртойгоо үйлдвэрийн ажилтай танилцсан.

Баярын өдрөөр бидэнд хамгийн дуртай хамтлаг, дуучдыг маань уулзуулж, зургаа авахуулж, хүссэнээрээ тоглох боломж олгосон "Талх Чихэр" хувьцаат компанийн ах, эгч нартаа баярлалаа.

ХҮҮХЭДТЭЙГЭЭ ХАМТ АНХНЫ "ЭХ ҮРСИЙН" БАЯРТАА ОРОЛЦЛОО

Д.Буян-Эрдэнийн гэр бүл:

-Манай хүүхэд ой гарантай, энэ жил анх удаа хүүхдийн баярт оролцож байна. Өнгөрсөн жилээс эхэлж манай нөхөр "Талх Чихэр" хувьцаат компанид ажиллаж эхэлсэн.

Бид "Талх Чихэр" хувьцаат компанид сэтгэл өндөр байдаг. Учир нь зөвхөн ажил, үйлчилгээ, цалин хангамжаас гадна ажилчдынхаа гэр бүлд их дэмжлэг үзүүлж, боломж олгодог.

Өнөөдрийн хүүхдийн баярын арга хэмжээг ч мөн нэгдсэн зохион байгуулалттай, олон хөтөлбөртэй явуулж байгаагаас харж болохоор байна. Тиймээс Монголын ууган манлай үйлдвэрүүдийн нэг "Талх Чихэр" хувьцаат компанийн хамт олондоо баярлалаа.

ХҮҮХДИЙН БАЯР ХАМГИЙН САЙХАН БАЯР, "ТА ЧИ"-ийн ах, эгч нартаа баярлалаа

Хүүхдийн баярт бяцхан охид, хөвгүүд хамгийн хөөрхөн дээрээ тавьж, үлгэрийн гүнж, ханхүү мэт хувцасласан нь баярын нэгэн чимэг байлаа. Тэд бүгд баяртаа сэтгэл гарган бэлдэж, үлгэрийн баатрууд, дуучид, бүжигчидтэй зураг авахуулж, хөгжөөнт тоглоом, тэмцээнүүдэд оролцсон юм. Тэдний нэг бол ээжтэйгээ хөтлөлцөн явах ихэр мэт адил эгч, дүү хоёр. Тэд 3, 4 настай бөгөөд хамгийн дуртай баяртаа хөөрхөн болж ирэх гэж нойр нь хүрээгүйг хэлсэн юм.

Баярын арга хэмжээнээс хамгийн их таалагдсан нь уут дүүрэн бэлэг авах байсан гэдгийг хэллээ.

Мөн дүүтэйгээ хамт шаараар тоголж, аяган бялуу идсэн нь амттай санагдсан гэсэн юм.

БАЯРЫН ХӨТӨЛБӨРИЙН ЗОХИОН БАЙГУУЛАЛТ МАШ САЙН САНАГДЛАА

Ө.ЭНХСАЙХАН:

-Өнөөдрийн арга хэмжээний хөтөлбөр арвин байсан нь таалагдлаа. Хүүхдүүд аав, ээжийнхээ ажилтай танилцаж, нэг өдрийг хөгжилтэй, дурсамжтай өнгөрүүлэх боломж маш ховор байдаг.

Тиймээс хүүхдийн баярын арга хэмжээг нэгдсэн байдлаар зохион байгуулж, ажилчдыгаа гэр бүлээр нь дурсамж дүүрэн өдрийг өнгөрүүлэх боломж олгосон "Та Чи"-ийн хамт олонд баярлалаа.

Манай эхнэр "Талх Чихэр" хувьцаат компанид долоон жил ажиллаж байгаа. Энэ хугацаанд ажилчдаа тав тухтай ажиллах орчин нөхцөлийг бүхий л талаар хангаж өгч байгаа хамт олон, удирдлагуудад нь баярлалаа.

МОНГОЛ УЛСДАА ЧАНАР ТЕХНОЛОГИОР ТЭРГҮҮЛДЭГ "ТАЛХ ЧИХЭР" ХК

Аливаа нийгмийн суурь, уг сурвалж бол гэр бүл байдаг. Тэр ч утгаараа гэр бүлээрээ тэмдэглэдэг хүүхдийн баяраар "Гэр бүлийн элч" дуучин Ч.Уранхолбоо хүрэлцэн ирж, хүүхдүүдийн баяр дээр баяр нэмсэнд хүүхдүүд гэлтгүй эцэг, эхчүүд ч талархан хүлээн авсан юм. Дуучин Анугийн хувьд 2022 оноос хойш "Талх Чихэр" ХК-ийн "Хотол" брэндийн дүр төрх болон хамтран ажиллаж байгаа. Тэд олон ажил дээр хамтран ажиллаж байгаа бөгөөд энэ удаад ийнхүү 800 гаруй хүүхдэд гэнэтийн бэлэг барин Хөөрхөн дэлхий дуугаа амилуулан дууллаа.

Бялуу, бэйкери терлийн амтат бүтээгдэхүүнийг бид өдөр тутам болон баяр ёслолын үеэр түлхүү хэрэглэдэг. Энэхүү уламжлалын хүрээнд Монгол Улсдаа чанар технологиор тэргүүлдэг "Талх Чихэр" ХК "Хотол" нэрийн 800 аяган бялуу бэлэглэж, аав ээжүүдийн төлөөлөл өнхрүүш үлгэрийг амилуулан хүүхэлдэйн жүжиг үзүүлсэн гээд олон гэнэтийн бэлэг дүүрэн өдрийг өнгөрүүллээ.

"Хүүхдийн эрхийг хамгаалах өдөр"-ийн гол онцлог нь бяцхан зүрх бүр аз жаргал баяр хөөрөөр бялхах боломж бүрдүүлэхэд оршиж байгаа. Тэгвэл үндэсний манлай үйлдвэр "Тал Чихэр" ХК энэхүү нандин зорилгыг утга учиртай болгож, 800 гаруй бяцхан зүрхийг аав ээжтэйгээ хамт нандин дурсамж бүтээж, ижил төрлийн үйл ажиллагаа явуулдаг аж ахуй нэгжүүдэд үлгэр жишээ үзүүлж чадлаа.