Жижиг, дунд үйлдвэрийг хөгжүүлэх сангаас дээрэм хийсэн эрх мэдэлтнүүдийг зарлаж, нийгэм даяар шогширч байсан бол өнөөдөр ихэнх сангийн дээрэм ил болж иргэд олон нийт бараг дөжирсөн байх. Хамгийн сүүлд Боловсролын сангийн зээлийн дээрмийг ил болгосон нь нийгэм даяар шуугиж эхэлсэн. Тэгвэл Зам, тээврийн хөгжлийн сайд С.Бямбацогт ч Иргэний нисэхийн ерөнхий газрын үе үеийн дарга нарын хүүхдүүд Боловсролын сангийн зээлээр гадаадад их дээд сургуульд сурсан баримтыг танилцуулж байсан. Харин иргэд олон нийт салбарын сайдыг дутуу “шүд” суглах замаар танилцуулсан хэмээн хардсан. Тэгэхээр С.Бямбацогт сайдын зарлалгүй “нууж” авч үлдсэн хэмээн хардаж буй нэрсийг ил болгохыг Иргэний нисэхийн ерөнхий газраас нэгэн эх сурвалж баримт ирүүлсэн юм. Нөгөө талаас салбарын сайд нь нэрс бүрэн ил болгоогүй байхад мэдээлсэн учраас нууж хаасан зүйл байхгүй гэдгийг гэдгийг хэлж байна.
Иргэний нисэхийн ерөнхий газрын том дарга нараас эхлэн, тасгийн дарга, мэргэжилтэн хүртэл эхнэр, хүүхдээ болон ойрын хамаарал бүхий хүмүүсээ энэхүү зээлд хамруулан сургажээ. Баримтад дурдаснаар 2000-2023 онд нийт 67 хүн суралцсан байна. Тухайлбал, Иргэний нисэхийн ерөнхий газрын АННББЗГ-ын дарга Д.Эрдэнэбаатар охин Э.Хонгорзулаа 2019-2023 онд БНСУ-ын Хансёо их сургуульд Нислэгийн удирдлага мэргэжлээр, Иргэний нисэхийн ерөнхий газрын даргаар ажиллаж байсан Л.Бямбасүрэн дүү Л.Дашмягмаржаваа БНСУ-ын Koreo Areospasse их сургуульд Нислэгийн хөдөлгөөний удирдагч мэргэжлээр 2015-2019 онд, мөн Иргэний нисэхийн ерөнхий газрын даргаар ажиллаж байсан Т.Лхагвасүрэн охин Л.Хонгорзулаа АНУ-ын Санфранцискогийн Citi коллежид Олон улсын бизнес худалдааны мэргэжлээр 2016-2019 онд тус тус сургаж байсан баримтууд хөвөрнө. Ингээд Зам, тээврийн хөгжлийн сайд С.Бямбацогтын сугалж үлдсэн байж магадгүй гэх нэрсийн жагсаалтыг нийтэд дэлгэж байна. Сангуудын зээлийн эзэд бүрэн гүйцэд ил болоогүй учраас энд үлдсэн нэрс байхыг үгүйсгэхгүй. Тиймээс үүнийг олон нийтэд хүргэж байгаа хэрэг. Өөрөөр хэлбэл С.Бямбацогт сайдын ажилд тус дэм болж магадгүй юм.
Tumen.mn
