Энэ мэдээ хуучирсан буюу 2023/06/08-нд нийтлэгдсэн мэдээ болно.

Говь нутгаар 220 км алхсан алхагч нар амжилттай бариандаа орцгоолоо

Элсэн шаргал говийг ид хаваар давж, халуун хатуу газрыг хатан зүрхээр давж, замын уртыг гэтэлгэж, салхины эрчийг сөрж, сорилт бэрхшээл, адал явдал дүүрэн 220 км-ийн урт замыг явганаар амжилттай туулж, төлөвлөсөн хугацаанаас 1 өдрийн өмнө барианд орцгоосон баярт мэдээ ирлээ!!!

Эрэлхэг зоригтой 30-67 насны 11 явган алхагч нартаа МЯАХ-ны нийт гишүүдийн нэрийн өмнөөс халуун баяр хүргэе! Та бүхнийхээ зориг тэвчээр, шийдвэр, үйлдлээр бахархаж байна.

Сорилт бэрхшээл бүрийн ард илүү том зорилго тодорч, бие чангарч, хүсэл тэмүүлэл дүүрч, хүч чадал цогцолж, илүү өндөр, илүү зоримог, илүү амжилттай хүмүүн болсон байдаг.

Говийн ноён хутагт Данзанравжаагийн мэлмий гийсний 220 жилийн ойд зориулан Дорноговь аймгийн Замын-Үүд сумаас гарч Дорноговь аймгийн Сайншанд хот хүртэл "Дорнын говь-Хутагтын нутгаар" уриан дор 220 км-ийг урт замыг хээрээр гэр хийж, хэцээр дэр хийн, явганаар туулсан анхны алхагчид, явган аялагчид боллоо. Говь нутгийн эрчим, Хутагтын авшиг ерөөл бүхэн орших болтугай. Та нартаа дахин дахин баяр хүргэе!

Зохион байгуулсан Г.Цэцгээ тэргүүнтэй Дорноговь аймгийн Явган Алхалтын Холбоо, хамтран ажилласан, арга хэмжээг дэмжсэн Дорновь аймгийн ИТХ, ЗДТГ, Замын үүд сумын ЗДТГ, Цагдаагийн хэлтэс, Дорноговь аймгийн Эрдэнэ сумын удирдлагууд, Биеийн тамир спортын газрын хамт олон, алхагчдын гэр бүл, анд найзуудад чин сэтгэлийн талархал дэвшүүлж, ажил хөдөлмөрийн өндөр амжилтыг хүсэн ерөөе!

сонин mn

сонин mn

ТЭЭВРИЙН ХЭРЭГСЛИЙН ШИНЭЧИЛСЭН БҮРТГЭЛД НЭГ САЯ ГАРУЙ ТЭЭВРИЙН ХЭРЭГСЭЛ БҮРТГҮҮЛЖЭЭ
ТЭЭВРИЙН ХЭРЭГСЛИЙН ШИНЭЧИЛСЭН БҮРТГЭЛД НЭГ САЯ ГАРУЙ ТЭЭВРИЙН ХЭРЭГСЭЛ БҮРТГҮҮЛЖЭЭ
 
Н.Учрал: Технологийн дэвшил ашиглан дуу хоолойгоо хүргэж байна
Н.Учрал: Технологийн дэвшил ашиглан дуу хоолойгоо хүргэж байна
Энэ мэдээ хуучирсан буюу 2023/06/08-нд нийтлэгдсэн мэдээ болно.