Салбартаа тэргүүлэгч үндэсний манлай үйлдвэр “Талх Чихэр” ХК амьд хөрөнгөний талх, бэйкери төрлийн бүтээгдэхүүн худалдаалах "Baking House"-уудаа томоохон супермаркетуудад нээж эхэллээ.

Анхны "Baking House" Emart худалдааны төвийн "Баянгол" салбарт нээгдэж, хэрэглэгчдэдээ 30 гаруй төрлийн цоо шинэ бүтээгдэхүүний дээжээс хүргэж эхэлжээ.

Амьд хөрөнгө нь ус, гурилаас бүрддэг бөгөөд өөрөөр нь удаан исгэх явцад ашигтай сүүн хүчлийн бактери бий болдог байна. Ийнхүү исгэлтийн явцад гурилын цавуулгийн бүтцийг өөрчилж, үр тарианд агуулагдах энзимүүдийг задлан, илүү шим тэжээлтэй, шингэц сайтай болдог ажээ. Иймээс амьд хөрөнгөний талханд агуулагддаг эслэг нь хоол боловсруулалтыг маш сайн дэмждэг бөгөөд тогтмол хэрэглэвэл өтгөн хаталтаас сэргийлж, гэдэсний гүрвэлзэх хөдөлгөөнийг сайжруулдаг эрүүл мэндэд тустай бүтээгдэхүүн ажээ.