Сонгууль дөхөхөөр үзэж хараагүй ахан дүүс, дөрөө харшуулаагүй анд нөхөд гээд олон танилтай болно. Тэд нар маань сүсэглэж үзээгүй зүйлдээ сүсэглэнэ, үзэж хараагүй үсэг номоо ярина гээд хэцүү. Тэгвэл өнгөрөгч даваа гаригт АН-аас Дорноговь аймгийн төвд “Бүтэн ардчилал” хэлэлцүүлэг зохион байгуулсан. Энэ үеэр горилогч Д.Алтангэрэл ноён хутагт Д.Данзанравжаагийн хөшөөнд цэцэг өргөн хүндэтгэл үзүүлж байгаа нь дорноговьчуудын инээдийг хүргэв. Яагаад гэхээр тэр энэ зүгт сүсэглэж, бишрэх зүйлгүй хүн бөгөөд ёстой л “Нүгэл ихтийн сүсэг их” гэдэг болсон хэмээн нутгийнхан инээд наргиа болгож байна. Тэд “Ломбард Д.Алтангэрэлийн сэрэх цагаар ...” хэмээн цахим орчинд шуугих аж.

Тэр Дорноговь аймгийн уугуул, өнгөрөгч 2020 оны сонгуульд аймагтаа өрсөлдөж өвдөг шороодсон хэрнээ өдгөө их санаархан, говийн бүсэд нэр дэвшихээр энд тэнд хөшөө чулуунд мэхийн ёсолж яваа хэрэг.

Уг нь сонгодоггүй л болохоос бус Д.Алтангэрэлийг дорноговьчууд андахгүй сайн мэднэ. Яагаад гэхээр тэр Дорноговь аймагт “Асманы булаг” нэртэй ломбард ажиллуулан, иргэдийн халамжийн тэтгэврийг иргэний үнэмлэхний хамт барьцаалан зээл өгдөг учраас танихгүй хүн гэж үгүй. Ингэхдээ өдрийн 0,5-0,7 хувийн буюу сарын 15, жилийн 180 хувийн хүүтэй зээл олгодог гэдгийг дорноговьчууд ярьдаг. Иргэдийн халамжийн дэвтэр барьцаалан зээл олгохдоо өөрсөддөө итгэмжлэх хийлгэж, сар бүрийн нэгэнд Төрийн банкин дээр очин зээл авсан иргэдийн мөнгийг авдаг байсан нөхөр. Товчхондоо халамж, тэтгэвэр авдаг ядарсан иргэдээ мөлжиж амьдардаг хүн. Цэвэр мөлжлөгийн бизнес хийж байв даа. Мэдээж хэрэг, тус ломбардыг тэр биш түүний төрсөн ах, ээж нь ажиллуулдаг байсныг сайн санаж байна.

Ийм л хүн УИХ-д нэр дэвшихээр горилж яваа нь ямар итгэл үнэмшил вэ. Нутгийнхан л лав сонгохгүй. Мэдэхгүй бусад аймагт чухам ямар хэмжээнд санал авахыг бүү мэд. Түүнийг сонгох ард түмэн ч гэж юу байхав.

Гэхдээ л АН-ын нэр түшиж, ийм төлөөлөлтэй болвол халамж барьцаалдаг ломбард Дорноговь аймгаас гадна Өмнөговь, Дундговь, Говьсүмбэр аймгуудад сүлжээгээ байгуулж таарна. Өөрийнх нь мөнгө хүүлдэг бизнес л хөгжинө. Өөр юу ч байхгүй.