Улаанбаатар хотод бүртгэлтэй тээврийн хэрэгслийн тоог 730,000-аас давуулахгүй байх шийдвэр хэрэгжиж, шинээр улсын дугаар олгохгүй байгаа билээ. Ингэхдээ Улаанбаатарын иргэн, ААН тээврийн хэрэгслээ зарсан тохиолдолд улсын дугаарыг авч үлдээд АТҮТ-д нэг жилийн 20,000 төгрөгийн хураамж төлж хадгалах боломжтой болоод буй. Гэвч олон нийтийн цахим сүлжээгээр "Тээврийн хэрэгслийн дугаар хадгалах үйлчилгээ зогссон” гэх мэдээлэл гарчээ. Уг асуудалд АТҮТ-өөс "Манай байгууллагаас иргэдэд төрийн үйлчилгээг түргэн шуурхай, хэвийн үзүүлсээр байна. Тээврийн хэрэгслийн дугаар хадгалах үйлчилгээ зогсоогүй" гэж мэдэгдэв.

Харин Автотээврийн Хэрэгслийн Бүртгэл, Хяналтын Төвөөс тээврийн хэрэгсэлд Улаанбаатарын серитэй улсын дугаар олгох хүсэлтийг carplate.ulaanbaatar.mn системээр 2025 оны нэгдүгээр сарын 15-наас авч эхэлсэн боловч өнөөдрийн байдлаар нэг ч шинэ дугаар олгоогүй байна.