Сүүлийн үед С.Ганбаатар гишүүнтэй холбоотой баримтуудыг хууль хяналтын байгууллага шалгаж нөгөө талаас гишүүн хэлмэгдэж хохирч, чирүүлж байгаагаа илэрхийлээд буй. Гэтэл дахиад л шинэ баримт. Зам тээврийн яамнаас 2024 оны 12-р сард Ховд аймгийн Мөнххайрхан сумын чиглэлд 63.5 км авто замын 70.1 тэрбум төгрөгний тендер, 2025 оны 5-р сард Баян-Өлгий аймгийн Өлгий-Сагсай- Улаанхус-Цэнгэл сумын чиглэлийн 66км авто замын 163 тэрбум төгрөгний тендерт хоёуланд нь БНХАУ-ын “Өвөр Монголын зам гүүр групп” ХХК шалгарсан байдаг. Энд 233 тэрбум төгрөгний тендер яригдаж байгаа.

Энэ “Өвөр Монголын зам гүүр групп” гэх компаний улсын бүртгэл дэх хаяг нь Хан-Уул дүүрэг, 11-р хороо, Тэнгэр рашаан гудамж, Рояал Каунти хотхон, 306-р байр, 202 тоот буюу С.Ганбаатарын эхнэр Б.Тунгалагтай халаас нэг “Волд Плас Файв” ХХК-нийг хамтран эзэмшдэг уг компаний гүйцэтгэх захирал Энхжаргалын Энхмөрөнгийн гэрийн хаяган дээр бүртгэлтэй “тууж” явах юм. Нэг үгээр хэлвэл дахиад л сайн дүүгийнх нь. С.Ганбаатар гишүүн дүүгийнх нь хашаа байшинг шалгахаар “миний нохой тэр байна” гэж очиж лайв хийдэг дүү нарынхаа хэргийг өөрийн юм шиг өмгөөлдөг гэдгийг нь олон нийт харсан. Энэ ч бас цаанаа чамин учиртай наанаа нандин хэлхээтэй холбоо сүлбээ гэдэг нь тодорхой.

Монголд өнөөдөр ихэвчлэн "том артай" хүмүүс тендер авдаг нь нууц биш. Гэтэл Сайнхүүгийн Ганбаатар гадаад харилцаагаа Солонгосоос Хятад руу шилжүүлсэн үү ямартай ч нэг ийм холбоо сүлбээтэй компани нь өндөр үнийн дүнтэй тендер авч. Би гэдэг хүн тендер аваагүй хулгай зэлгий хийгээгүй худал үнэн ярьж яваагүй гэх боловч дүү нарынхаа нэр дээр эхнэрийнхээ нэр дээр хийдэг элдэв булхайтай ажлаа нэлээд сайн нуухгүй дээ.

Гөлөг төөрүүлэх гэж байгаа бол төөрүүлсэн шиг төөрүүлнэ үү гишүүнээ...

Б.Есүжин

Newspress.mn