"Бодь"-оос $110 сая буюу монгол мөнгөөр 391 тэрбумыг авсан байж болзошгүйгээр АТГ-т шалгагдаж байгаа Б.Энхбаяр Гашуунсухайтын төмөр замын асуудлаар Хянан шалгах түр хороо байгуулах санаачилгад гарын үсэг битгий зураач хэмээн гишүүдээс гуйж явна.

Н.Номтойбаяр Н.Учралын Засгийн газарт орохоос өмнө "Бодийн барьсан Гашуунсухайтын төмөр замын бүтээн байгуулалтын асуудлаар УИХ-ын Хянан шалгах түр хороо байгуулна" хэмээж байсан ч түр намжсан. Улмаар сайдын суудлын найраанд ороод эл асуудлыг сөхөхөө болив уу гэх мессеж өрнөж, сэтгүүлчид тодруулахад "Сайд болоод үзэл санаа, хэрэгжүүлэхээр ярьж байсан ажлаасаа ухарна гэсэн зүйл байхгүй. Бодийг хянан шалгах түр хороо байгуулах ажилд оролцоод явна" хэмээсэн юм.

Тэгвэл одоогийн байдлаар Н.Номтойбаяр, А.Ундраа, Д.Пүрэвдаваа, М.Сарнай, Ц.Баатархүү, Х.Тэмүүжин, Дав.Цогтбаатар, Г.Лувсанжамц, Б.Мөнхсоёл, Г.Ганбаатар нарын 22 гишүүн "Бодь"-ийн гэрээг Хянан шалгах түр хороо байгуулах санаачилгад гарын үсэг зурсан байна. Гарын үсэг 32-т хүрвэл хянан шалгах түр хороо байгуулах эхний алхам тавигдах учиртай.

Харин ЗГХЭГ-ын дарга Б.Энхбаяр "Бодь"-ийг хамгаалж, УИХ-ын гишүүдийг тус бланканд битгий гарын үсэг зур гэж гуйж явна. Тэр ингэж гүйх нь аргагүй. Учир нь Г.Занданшатарын танхимд байхдаа хөөгдөх сайд нарын тэргүүн эгнээнд байсан түүнийг "Бодь" Н.Учралын Засгийн газарт багтаасан гэж хэлж болно. Н.Учралын Засгийн газар бүрдэх үеэр сайд болгохгүй бол "Бодь"-ийн улс төрийн нөлөөллийг зарлана гэж шантаажилсан гэгддэг. Тэгэхээр өөрийг нь эл суудалд суулгасан "Бодь"-ийнхоо илд нь болжээ, тэр.

Eguur.mn